no'-ngono' on-laonan ḍă' băbăna pakès sambi'ètoro' boento' Eduard sarèng Smoker; kantos djhăoena ra-kèra pardjbălănan satengnga djhăm, Manabi mandjhăngan sé lake' aonga', Jakob pas amboe sè no'-ngono', ta' aghoelian, sabăb tako' katèngal ka kèbǎn bhoeroe. Ta' abit mandjhǎngan ghăpanèka pas mantjėlat sakalèan boeroe ḍă' tana tebbhǎ laèn, ètoro' sareng nè'-binè'na. Jakob sareng onèng, manabi mandjhăngan sè ètèngghără ampon boeroe, pas mandjheng sarta atole ka boeḍi, ngotja' ḍă' Eduard: „Bărămma, Eduard, nangale bă'na, ella malarat ongghoe pasanganna mandjhăngan djrèja.
Bă'na satèja la tao dhibi', djhǎ' tjoma kressekkan sakone' bhǎi, kėbǎn djrėja ella boeroe. Satėja djhǎoena ḍări ḍijă băḍă ngara pardjbălănan sapolo mennèt. Orèng nèngghără mandjhăngan rèja ta' ngennèng ta' ngastètèa; èmanna, kèbǎn djrėja tjè radjana. Sarta sarrèna abǎ'na satėja la berră, kèra sèngko' sadjǎnè malarat tèngghărǎnna. Madjoe toro' bhăi ḍă'ka kennengnganna. Bǎn-kėbǎn djrėja padă ngakan rebbbă polè èḍissa; dhinèng kennengngan sè băḍă è băbǎ angenna, è lembăna èḍissa rowa. Dhǎgghi' mon la napa' kassa, sènga bă'na djbǎ' aghoeliăn polè, mè' ngennèng masang."
Eduard atanja: „Mongghoe pangèrana bă'na, mandjhǎngan sè pas ladjhoe boeroe ghella' rowa, apa marghăna?”
Sambhiddha Jakob: „Kèra sèngko' kalana bă'na arangka' noro' boente sengko' ghellǎ rowa to'otta ngennèng nagghoek tanapo; monjèna djrèja sè matakerdjhǎt mandjhăngan ghella', molana pas boeroe; bă'na arassa apa endjǎ'?"
Eduard: „Ijă, nangèng djha' sasat taḍă' kasa'na rèja."
Jakob: „ljǎ tja'na bǎ'na sasat tadǎ' kasa'na, nangèng mongghoe ka mandjiǎngan la kadjă, Eduard; molana sakalè boeḍina kènga’ė, mon terro nèngghără mandjhǎngan, djhǎ' kangse băḍă kasa'na pa-apa. Madjoe satėja ngobhengngè alas rėja, nangèng djhå' akasa'an. Dhagghi mon sengko' so bǎ'na la ḍăpa' ḍă' boeḍiǎnna alas rowa, tanto mandjhängan djrėja èkennèng pasang.
Samarèna aḍon-djanḍon Jakob sarèng Eduard ladjhoe èntar ḍă' kennengnganna mandjhăngan sè ghi prappana bi-ghămbi’ăn rebbha, èngghi panèka è alas kènè' ghellă'. Sarèng antarana Jakob ḍă' băn-kèbǎn ènggbarowa namong karè tello ratos mèter, abǎ'na ladjhoe adjbălăn ngono' ḍări ombhoet sèttong ḍă' sèttongnga. Jakob ta' pegghǎ' sẻ ngabǎs ka mandjhăngan ghǎpanèka, manabi onga', abă'na
