BHǍB SÈ KǍPÈNG SÈTTONG.
Sè bhăḍhi kaoelâ tjarèta'aghi ḍă’ sadhădjina para maos ngongoḍădhăn panèka sanjataèpon sèttong bhăb sè ampon kadhăddhiăn èḍălem taon 1647. Ra’-pasèra’a sè ampon ngaonèngè nè'-sakonè’ bhăbbăddhă tana Inggris, tanto onèng djhoeghăn, manabi è taon ghăpanèka Radjhă Karel sè kapèng I, ètangkep sareng ètotop è dhălemma graaf Southampton è Hampton-Court, amarghă kala perrangnga amoso orèng saèssèna naghărăna dhibi’, sè kantos para’ lèma taon abittèpon. Rèng-orèng sè paḍâ nolongè Sang Radjhă, sè anjama cavaliers paḍâ èoesir sadhădjă; bhălă-tantrana Parlemmèn (Kompolan) sè èprènta Cromwell, molaè nalèka ghăpanèka ngabasanè t Huis der Gemeenten (djhjâ' è naghără Bhălăndhă'ă ḍă'-enḍă'ă: Tweede kamer).
Èḍǎlem boelân November tǎon ghăpǎnèkǎ djhoeghăn Rǎdjhǎ Kǎrel kèngèng lolos ḍǎri Hǎmpton-Court, mangkǎt èngghǎl- èngghǎl ḍǎ’ bhǎbǎ Hampshire, sè ènjǎmaè Alǎs-anjar, eèrèng Sir John Berkely, Ashburnhǎm sareng Legg. Sang Radjhǎ ngarep ḍǎlem ghǎlina, mandhǎr bǎḍǎ’ǎ bǎt-soebǎddhhǎ sè njǎḍijǎi kǎpǎl, sabǎb Sang Radjhǎ kasokan aladjǎrǎ ḍǎ' naghǎrǎ Prantjis, anangèng Sang Rǎdjhǎ kǎrè rep-areppan bisaos. Sèttonga taḍǎ’ kapal sè aladjǎrǎ; ta’ antara abit saamponnǎ nètènè djhǎrǎn orot salandjhǎngnga pasèsèr, Sang Radjhǎ nǎttol ḍǎ’ Titchfield, èngghi panèkǎ tana kaaghoengǎnnèpon graaf Southampton. Saamponna marè apèrembhǎghǎn, Sang Radjhǎ monḍhoet nasèhatta para pangèrèngnga. Sang Radjhǎ marijadjhǎghi salèrana ḍǎ' Kornèl Hammond, goepernoer è polo Wight; para pangèrèng ghǎpanèkǎ njangka, manabi Kornèl Hammond masṭè bhǎḍhi atatolonga ḍǎ’ Sang Radjhǎ. Nangèng, sanaddjhǎn Kornèl Hammond nèser ongghoe ḍǎ’ Sang Radjhǎ, salèrana teptep mantep ḍǎ' sè ngangkat, èngghi panèka Parlemmèn ghellǎ', satya toehoe, ngalampa'ǎghi kawǎdjibhǎnnèpon; pramèla bekkasanna Rǎdjhǎ Kǎrel pǎs èǎngghep kǎdhi orèng okomǎn (ètangkep polè) è padhǎlemmǎn (kasteel). Carisbrook... .
Tjarètaèpon Sang Rajhǎ panèka mangkèn èǎmboeǎghiǎ ḍhimèn; sè bhâḍhi èdhoengngèngngǎgbiǎ kaaḍǎ’ nè-sakonè’ èngghi panèka
