48
èdhina'aghi. Jakob pas engghǎl asoro ngèbă boeroe boeḍoe'na (empè'na) kaattas djikar.
Eduard sareng Humphry èngghǎl natèng boeḍoe'na sapè èbhākta kadjikar. Korbhina rèpot abhoewǎng sarèng Smoker, mèlana ta' onèng, manabi boeḍoe'na bǎḍǎ ngèbǎ boeroe. Korbhina sèmeng njoḍhoek ka kangan sareng ka katjèr sè terro ngennènga lèbǎt entara ka boeḍoe'na, djhoeghǎ ta' kéngéng amarghǎ kopèngnga ampon ètjekkatè Smoker.
Jakob ngotja' ka bhoeroessa: „Djhǎ' otjol, Smoker! Eduard, boeḍoe'na apa la èpaongghǎ ka djikar?" „Ella," sambhiddhǎ Eduard, ,,sèngko' so Humphrey ijǎ la ongghǎ keja."
Jakob ngotja'l Ijǎ, ella, dhǎlloè sèngko' ongghǎ'ǎ kèja; korbhina rèja ta' boeroeng noro' boentè'; la, Smoker, otjol!"
Smoker pas alontja' klowar dari alas ètabang korbhina sapè sambi ma'-emma'an. Boeḍoe'na njambihidhi aemma ka, korbbina ḍări tas djikar. Korbhina pas nabăng djikar sambi res-ḍerressẵn nongghoel boento'.
Jakob ngotja: „Paterros bbăi, Humphrey, ngara monjèna djrèja èkèḍing reng-bhǎrengnga. Madjoe ghǎntjangè."
Toro' djhǎlan korbhina ta' pegghǎ' sè abhoewǎng sareng Smoker, Smoker senga' ta' kat-sèkat panjèsèna ka kangan otabǎ ka katjèr, ḍhoewǎs pèng-kalpènganna ètjapo' sambǎng mosona; mosona (korbhina sapè) mala kaḍhǎng kantos ḍoes-nganḍoes tabing boeḍina djikar, djhoeghǎ Humphrey djhekdjhek bhisaos sè negghoe' ellès. Jakob ngotja': „Eduard, sènga' djăgă so bhedḍhillǎ, sèngko' tako' mè' reng-bhǎrengnga ḍăteng nolongè, nangéng djha' enḍdi tèngghăr, ngantos sang otja' ghǎlloe."
Ta' abit pas băḍă sapè lake' ngombǎr, berka' ambhă' patè, boento'na nottjer kaattas, tjèṭakka njokel sambi amonjè, njambhidhi monjèna sapè pangorbbi. Jakob ngotja':,,Mè' tjoma nèng sèttong sẻ nabăng sapè binè rèja, robăna tjoma sèttong rèja sè nèser. Mon bǎrijă bettjé' madjoe labǎn bhǎi. Smoker, ongghǎ kanna'!”
Sareng antarana djikar sareng sapè lakè' ampon karè satos èlo, Jakob ngottja' ḍa' Eduard: „,Eduard, ella mara pasang, ara bhǎoena; Humphrey, paamboe djikarra ghălloe."
Bǎkto djikar amboe, sapè lake' sadjǎnè, semma' ḍǎ' djikar, djhoeghǎ taḍă' mosona, sarrèna sè katello sareng Smoker paḍā nokklèk
