56
Kalagghoeănnèpon Jakob pas mèghă' adjămma Alice pata pa'polo mègghi' èossaj ka djikar, bhăḍhi èdjhoewălă ka Lymington, dhinèng karena èbhăḍhiă ḍoe'-boeḍoe'an saos. Djam-adjam ghăpanèka sasat taḍă’ bhanḍhana, amarghă kalana ghi' te'-pètè' namong èteḍḍhăi găndoem, saamponna semmo radjă, èlombhăr njarè teḍḍhăna dhibi' è tèghărră. Bădjă lem-malem Jakob ḍăteng, lè-ollèna bǎnnja', kadhiă: Alice sareng Edith èollèaghi kalambhi anjar sèttong èbăng, djhăroem, bola sareng sijet; karèṇa padjoena adjǎmma èbăghi ka Alice djhoeghăn. Eduard sareng Humphrey èolleaghi djhoeghăn kalambhi anjar sèttong èbang, polè sanapan sèttong sè èkapè-mèmpè Hymphrey. Elloppa sanapan ghăpanèka aradjǎ'ăn sareng elloppa sanapanna Eduard otabǎ Jakob, sapanèka djhoeghăn pèlorra langkong berră'. Kadjhăbbă ghăpanèka, Jakob ta' loppa djhoeghăn ḍǎ' kas-bekkassa Alice sareng Edith, èngghi panèka: boeḍoe'na kotjèng. Berta-berta è Lymington taḍă’ laèn, kadjhǎbhă lă-bhălăna Parlemmèn tja'èpon anpon ta' senneng ḍă’ Cromwell sarengngan (Cromwell) ampon molaè èlabbrak, mèlana Cromwell pas madjhălăn bhălă djhoeghă ḍă' kennengnganna ḍoe-sardăḍoe sè aghăbaj roesoe bhoeroe; èdhika'aghi nèmmonè perrang.
Sapanèka pangghăbǎjǎnnèpon Jakob sareng na'-kana' sè kaempa sabbhăn arè sasat taḍă’ lagghăngnga, sèjang sareng malem sasat ta' èkarassa, onèng-onèng pas ètenimo boelǎn November, băktona orèng èntar abhăbhoeroe.
È nalèka sèttong arè saplèmanna Jakob sareng Eduard ḍări abhǎbhoeroe sè kabidhǎn è taon ghǎpanèka, Jakob ngotja' ka Alice: ,,Bhing, bǎ'na lagghǎngnga ola-ola pabǎdǎnè tor massa'anna sè man-njaman, sabǎb lagghoena kabhenḍerrăn arè radja (bessar)."
,,Arè radjă apa?"
„Lagghoena bhăi bi' sèngko' èkabălă'ǎ."
,,Madjoe, Humphrey, sengko' ala'-ola'a, tolongè:"
È malem ghăpanèka Alice aṭak-kèṭok sè ala-ola, kadhiă: aghoering dhaghingnga kèddhăng, mandjhǎngan sareng adjăm, laèn ḍări ghǎpanèka abǎ'na aola djhǎdjhăn djhoeghăn. Kana' panèka sè ala-ola tje' tjakangnga sareng lalakonna ressèk, amarghǎ ampon ollè bǎboeroeghǎn sareng toladhan ḍări Jakob; mala samangkèn abǎ'na kaetong langkong pènter pasa'-massa'na ètèmbhǎng sareng Jakob. Sapanèka djhoeghǎ Humphrey padă pènterra sareng Alice. Edith
