sèdhă amarghă èkennèng pana Sir Wolter Tyrrell. Kabit ḍări ghăpanèka Alas-anjar pas dhăddhi kaaghoengannèpon karadjhă'ăn kantos samangkèn. È băkto ghăpanèka djhoeghăn è alas ghellă’ băḍă pangghăbăjăn alas; rang-orèng sè alako èghika’ijă bănnja’na kantos pa'polo otabă sèket orèng sarta paḍă kaparèngan gădji ḍări Sang Radjhă. Rèng-orèng ghipandka băkto kabidhănna perrang teptep magghoen è pandjăgăănnaèpon băng-sèbăng. Ta’ abit pongghăbă-pongghăbă alas arassa, djha' saabiddbhă naghără ta’ ro-karoan, bhăḍhi ta’ narèma’a gadji; ontongnga nalèka Radjhă aḍhăboeăghi bhăḍhi mapolonga bhălă, Beverley, sè nalèka ghăpanèka dhăddhi pangradjăna pangghăbajăn ghellă’, aparènta ḍâ' sadhădjăèpon pongghăbă alas, sè ghi’ ngoḍă sareng sè ghi’ kowat, djhă’ bhăḍhi èpadhăddhiă sarḍăḍoe karadjhă'ăn. Èantarana rèng-orèng sè ta’ paraddhoe dhăddhi sarḍăḍoe, amarghă katowaen, băḍă orèng lakè’ kasorang, abdhina Beverley, omorra ampon langkong ḍâri sabidhik taon, anjama Jacob Armitage; aba’èpon saklangkong trèsna’ ḍă’ Kornèl Beverley sareng ḍă’ sana’-kadhăngnga, amarghă Kornèl Beverley sareng lă-bhălana ghăpanèka ḍhingèn sè atatolong ḍă’ Jakob Armitage kantos ollè pangghăbajăn. Katjatora rèng-orèng sè tjèttjèr meng alas ghăpanèka tjompo'èpon paḍă ko'-rongko’ sarengngan sèttong ka sèttongnga saklangkong djhăoena. Sarrèna rèng-orèng ghăpanèka samangkèn ta’ ollè bădjărăn, dhăddhi pas abhăboeroe neng-è alas ollèna sabănne èdjhoewăl, sabănnè èteddhă. Tjompo’èpon Jakob Armitage lerres èpèngghirră Alas-anjar, djhăoena ra-kèra’ pardjhălănan satengnga eddjhăm ḍări Arnwood. Kalana Kornèl Beverley mangkata ḍă’ bhălă karadjhă’ăn onèng, manabi 6 băkto ghăpanèka pangèḍoebhănna pottra sareng radjina ta’ patè tjokop (ta’ patè saè).
Sareng Kornèl Beverley dhălemma sareng saèssèna èpatoro’ ḍă’ka Jakob Armitage; sarta abă'na ètjo-pattjo èpakon paghasèkè njapot dhaălemma, pasèra onèng pola njonja Beverley parlo moenḍhoet tolong ḍă' abă’na.
Kornèl saklangkong’ terrona, Jakob sè porona tettep ennengè dhălemma, anangèng Jakob matèteng ta’ poron, akentjengngan enneng èḍălem alas bhisaos, amarghă saabiddhă oḍi Jakob apo'-tjompo' èbăbăna djoe-kadjoeăin saos, kantos ta' dhăddhi sè djhăoe ḍări alas. Jakob adjhăndjhi ḍă’ Kornèl Beverley, bhăḍhi ngèstoaghiă ḍhăboena sarta andjăgă'ă dhălemma saèssèna kalabăn ghoe-ongghoe atè akadhi orèng towa sè adjăgă an'an.
