57
bhoenten ta' neng-enueng, long-nolongè djhoeghan. kadhi: adhǎboe'i boeloena adjăm, ra'-ngerra' kenṭang, sèk-njèksèk bhǎbăng sareng laènnèpon.
Kalagghoeănna teḍḍhă'ăn ampon ètata kalabăn pantes è mèdjă. Saamponna marè èdhoewǎi, Jakob ngotja': ,,Molana sèngko' satèja asalamettan, amarghǎ bǎ'na satrètan sè Băḍă èḍinna' la sataon. Madjoe satèja paḍă asokkor, ḍă’ Ghoestè Alla, sèngko' so bǎ'na satrètan dǎlem sataon sè la padă èparengè bărăs salamet, taḍă’ korang sèttong apa."
Eduard ngotja:,Băddhinna sèngko la ollè sataon sè biḍă è la'ḍinna'."
Jakob ngotja' polè: „Bǎ'na kabbhi padă ta' ngèra, jă, djhă' la ollè sataon sè băḍă èla'ḍinna'; sèngko' bhoenga, robăna mongghoe ka bǎ'na paḍă bhăi: neng ḍinna' otabǎ è Arnwood.
Humphrey: ,,Mongghoe ka sèngko' abhoenga'an băḍă èdijǎ: ghi băḍǎna è Arnwood sèngko' satrètan paḍă bhingong ta' tao apa sè èlakonana, nangèng bhăreng băḍă èḍija, sèngko' ta' tao rassana ghǎng-ghoe', alè ta' tao arendhiǎn, kongsè ta' èkarassa djhǎ' la ollè sataon."
Eduard: Ijǎ, sèngko' ijă bărijă kèja, Humphrey."
Alice: „Bǎrijă kèja sèngko'; ijă bhenḍer băḍǎ èḍijă alalakon bhǎi, nangeng taḍă’ rèng mamanglo, opama tang angghoej kotor otabǎ bheḍḍhǎ."
Edith ngotja: Sèngko' polè ta' lebbiǎ senneng, ollè nolongè Alice prappa'na èn-maènan so kotjèngnga."
Jakob ngotja':,,Bǎ'na satèja la arassa dhibi', djha' mongghoe ka orèng apangghăbǎj, arè mara sè tjè' panḍă’na, laèn ḍări djǎrèja orèng bhadjheng alalakon rèja bhǎdhănna răs-bărăs sarta ghăs-bhăghăs, akanṭa bǎ'na satrètan. Tjoma sataon bǎ'na băḍă èḍinna', robăna la bǎnnèan, tandhǎna: bhǎdhănna la kowat, pèpèna ḍăr-mènḍǎr, mangka lambǎ' kalana bǎ'na băḍă è Arnwood robăna potè ellaj, mowana sorem. Satèja sapa sè njana'a, mon bă'na satrètan rèja na'-kana' Arnwood? Kèra sèngko' taḍă’; apa polè orèng laèn, sè ta' lăng-saghoeloeng sabbhăn arè so bă’na, sè kennala, naddjhăn Martha, andjhoena bă'na dhibi', kèra sèngko' satèja masè panglènga ka bă'na. Djhǎdjhăl, Eduard, abăs tan-trètanna rèja, robăna nar-bhinar băn mowana la seng-porseng. Djărèja dhǎddhi tandhǎna, djhǎ' bǎ'na satrètan senneng băḍă ela'ḍinna'. Bhenḍer,
