58
parkara kakanna ta' patè njaman, angghoejja ta' bhoenga băn bă'na enneng bengko se taḍă’ rarengghănna sakalè, nangèng djărēja kabbhi parkara rèhè; sè parlo djhoe ta' tjoma bărăssa bhǎdhăn băn sennengnga atè? Molana bă'na kabbhi djha' gha'-pegghă' asokkor băn enga' ḍă’ Ghoestè Alla sarta modjhiă sèjang malem, mandhăr kabǎḍăăna bă'na sè bărijă rèja èlangghengngaghia sabit-abiddhǎ,"
Eduard sareng mèreng otja'na Jakob sapanèka, pas mèsem, otjaʼna : ,,La tanto Martha ta' kennal ka sèngko' satrètan, apa polè mon noddjhoenè ngangghoej tjara rèja, tanto sadjǎn panglèng."
Jakob: „ljă, apa polè ka Humphrey sadjănè taḍă’ orèng tao. Dhinèng ba'na, Eduard, sadjǎn towa sadjǎn atambă gănteng, nangèng maskè bhǎdhănna atambă dhembhoe, mowana aèmboe mènḍăr, robăna bǎ'na ta' saapa obǎna, molana sanaddjhan bă'na ngangghoejă kanta orèng tanè, orèng laèn kèra sèngko' ghi' kennal ka bă'na. Nangèng. la pa-brămpa, bă'na ta' matè katonon kalana padhălemman rowa èobbhăr orèng, molana bǎ'na asokkor ḍă’ pangèran, sè sampè' arè tèja èparengè salamet landjhăng omor, sarta modjhiă mandhăr terrosa bǎrijă bhăi. Bărijă kèja sèngko' ta' loppă asokkor, sèngko' sè la ètakdir kabăsa morok bă'na sampe satèja, sopadjă bă'na taoa njarè èngonna dhibi', bilă sèngko' lagghoe' otabă saḍoemalem èponḍhoet adjǎl. Sampè' arè tèja sèngko' ngèstoaghi tang djhăndjhi ka kaina, Eduard, bă'na ta' tao apa sè èkasossa sengko' èḍǎlem atè; satèja sèngko' bhoenga bǎ'na èkennèng otjol ne'-sakone' njarè kasappa dhibi'. Sèngko' modjhi, mandhǎr-manḍhǎr Ghoestè Alla bellasa ḍă’ bǎ'na." Jakob sè ngotja sapanèka sambi abhrisbhisan aèng mata, amargliă sompek atèna ngen-ngangen na'-kana' ko'ong sè kaempa panèka.
Katjatora è bǎkto ghǎpanèka ampon molaè mosèm tjellep polè. Jakob sareng Eduard ghi' pagghoen bhisaos sè abhǎbhoeroe samènggoe ḍoe kalè, nangeng ta' abit Jakob sakè' njo-ngaronjo tolang, robăna ḍări paghibăna omorra (Jakob ampon towa), dhăddhi pas segghoet ta' kèngèng abhǎbbhoeroe sareng Eduard polè. Mèlana samangkèn pas èghǎntè Humphrey. Kana' kaḍoewă panèka manabi palèman rangrang sè ta' nambi'ă kèbǎn, amarghǎ Eduard ampon pènter ongghoe pabhoeroena sareng panèngghărră. Eḍǎlem mosèm tjellep, Jakob pas ta' èntaran abhăbhoeroe, namong po-tèmpo ḍă’ Lymington bhisaos, lè-mellè kabhoetoanna tjompo'na; sarrèna aba'na sadjănè towa, mangkèn adjhǎlǎn èntar palèman ka Lymington ampon èkarrassa lesso.
