,,Pya, lalakon rèja maso tjè' mallaratta ongghoe, laén aré mon sempat so sèngko' èpasangana ghoendâl, sopadjâ ghâmpanga maong-ghâ kèbân sè ghâgghâr kadâlem lobâng rèja," otja'na Humphrey.
Jakob pas molaè ngolèt empè' ghâpanėka, sambi ngotja': „Robâna empè rèja ghi ta' aomor kadoetengnga taon bhâlâka, dhâghingnga tjè bhaghoessa; radjana djha padâ'â so sapè sè matė kennèng téng-ghâr ghi' kabrâmpan arèanna rowa, sapa sè kellara maongghâ!"
Humphrey: „Djha sakènga empè rėja ta' èkennèng paongghâ, sèngko' toron tok-ngettok bhadhanna."
Sareng Jakob ampon marè ngolèt empè' ghâpanèka, pas èrak-porak sarta ladjhoe èboewâ ka djikar èbhâkta palèman.
Toro djhâlân Jakob ngotja: „Pèssè padjoena dhâghing rèja èkennèng bâdjârraghi ka arghâna sanapanua bâ'na, sarta kèra sèngko ghi' bâdâ karèna."
Humphrey bhoenga mèreng otja'na Jakob sapanèka, pas njaot; „tjâ', laèn arè sèngko' mandhâr laoa mèghǎ sapè otabâ kèbân laènna polè."
Sanattolla ka tjompo'na, Jakob ngotja' ka Humphrey: Kassa bâ'na entar ka kennengnganna njambhelli empè rèja nompa' djikar; rè-karena bâi dâlem so ka-tjekkana dârâ kabbhi bhersè'è, sèngko' ghella' loppa ngotja'a ka bâ'na, djhâ sakènga bâ'na ta' tja'-ngotja" terro mèghâ'â polè, sèngko' terros ta' ènga'. Molana kennengngan djrèja ésoro bhersè'è, amarghǎ sèngko' la tao dhibi', djhâ' kèbân rèja tako' se apara'a ka kennengngan sè ghi' abâoe dârâ, bhoektèna bârijâ: sèngko' lambâ tao njambhelli mandjhângan è alas; kenneng- ngan panjambhelliân djrèja bi sèngko' ta' èbhersè'è, pas bâdâ sapè sèttong njandher kadjâdijâ; bhareng sapè ghellâ la semma', pas boeroe polè salar-kellarra, sambi nongghoel boento'; rjâ' marghâna tadâ laèn, tjoma sabab kennengngan djrèja ghi' abâoe dârâ. Laèn dâri djrèja, sèngko la tao ngèding kèja tjarètana orèng bârijâ: Ompama bâdâ orèng èkanèjadjâ orèng laèn è alas; mon bhâlâna sè matè otabâ sapa'a bhâi terro taoa kennengnganna majjit, tjè' ghâm-pangnga, tjoma maboeroe sapè sèttong bhâ doewa è alas djâdijâ; billâ sapè djrèja napa ka sèttong kennengngan pas alettjèng boeroe, djrèja tandhana, djâ majjit bâdâ èdjâdijâ otabâ èkanèjadjâ èdjâdijâ. Dâlem parkara rèja sapè abhâghoesan bân patè, sabâb patè djrèja sala ta' alettjèng boeroe, pas adjhilâdhân dârâna.
