Humphrey njambit: ,,Tjè' dhoelatta Jakob, sèngko' ébâlâi parkara djréja bi' bâ'na; tang karep: djhoerâng djrèja so sèngko' èpasangana rebbhâ bhâi ědálem, sopadjâ mon bâdâ kébân talebbhoe kadjâdijâ, ta polonga sokona."
Jakob:,,Sanjatana pangghâbâjân ngalè djhoerâng djrèja tjè' malaratta, tjong."
Humphrey:,,0, lakar ijâ, apa polè bhâreng la abâk dâlem, sadjân atambâ malarat, sabâb sè mowanga tana le-kalèanna mon ta' ongghâ ghâlloe ngangghoej, andhâ, la tanto ta ngennèng, nangèng èlatènè bhâi so sèngko' sabbhân arè ongghâ toron dâlem djhoerâng djrèja, bhâreng pata la ollè saboelân, bhoeroe marè."
Jakob: „ljâ, tjong, bhândhâna rèng alako berrâ' otabâ malarat rèja tadâ' laèn djhâbhâ: latèn, tarongghoe bân sabbhâr."
Eduard: ,,Pandâ', mon akalla Humphrey la ngalebbi'i sèngko"."
Édâlem mosèm tjellep è tjompo'na Jakob sasat tada' hal pa-ponapa sè parlo ètjarèta'aghi. Sarrèna Jakob ghadhoeân panjakèt dâlem tolang, dhâddhi ta' kèngèng abhâbhoeroe njarengngè Eduard, mèlana Eduard mangken abhâbhoeroe bi-dhibián saos, kadhâng asareng Humphrey.
Katjatora djhoerangnga Humphrey, ampon aèssè sapè pole doe mègghi'; sareng èkaonèngè sareng Humphrey, sapè ghâpanèka ladjhoe èpaongghâ sadhâdjâ, ngangghoej ghoendâl sarta pas èbhâkta palèman èlombhâr è pakarangannèpon; sarrena sapè sè doewa ghâpaneka lapar, dhâddhi lekkas totot akadhi sapè boe-oboeanna. Samangkèn tètèla, saponapa bannja'na parontonganna Jakob, Eduard sareng Humphrey sè èkaollè è alas èdhi'-seddhi'na bengkona.
Katjatora Jakob panjakètta ghi' pagghoen bisaos, kantos ta' kèngèng adjhoewal dhâghing polè dâ' Lymington. Humphrey ngoddhi polè ngokossaghi pokangnga keddhâng, eghântong è pangokosanna bengko.
Katjatora bhoeroes sè dâdoewâ, ghoep-sangghoebbha soebâddhâ Jakob sè èjâlem alas dhingen angghârowa, serrèna panjakèta Jakob ta' aèmboe korang, ampon tanto ghi ta' èkonè'è, mangka ampon lèbât dâri djhândjhina. È bâkto ghâpanèka ampon nga'-tengnga'anna boelân Januari. Eduard sareng Humphrey serrèng mènta ka Jakob, sopadja sala sèttonga èdhinana ngonè'è bhoeroes ghâpanèka, djhoogha Jakob njambhit „ella addjha" bhisaos, „sèngko' la bânuja' korangnga, tanto dhoeli bârâs."
