maskè radjâna padâ so kerbhoej sakalè; apa polè kai lambâ' la adjhândjhi mon sèngko' la omor lèmabellâs taon, dhâboena, la èpanoro'a aperrang; bân sèngko' tao dhibi', bâdâ na'-kana', sè omorra la ngongkolè sèngko' kanan, tapè la tao noro' aperrang."
Humphrey: „Apa sè èkakobâter Jakob, sèngko' satrètan ma' ta' èbâghi èntar ka Lymington!"
Eduard: „Djhoe tao, sèngko' ijâ ta' tao kèja apa sè èkakobâtèrè."
Humplirey: Ngara tjoma sakèng kobâtèrra pèkkèrra Jakob bhái,otabâ mon endja', tako' amè' sèngko' tabâ bâ'na èntar ka Lymington ta' asèkep, pas bâdâ nganèjadjâ, amarghâ sèngko' atatolong Sang Radjha. Dhinèng parkara orèng sè èokom patè ijâ bhender bâdâ, nangèng rèng-orèng djrèja la adjhândjhi bân la asompa, djhâ bhâkal atatolonga Sang Radjha. Mon tjoma ghoen djâr-klèndjâr der- bhender bhâi, doe sapa sè ro-ngaroa. Satèja sèngko' terro taoa kareppa ba'na, mè' ondhoerâ dâri alas rèja."
Eduard: Tada parlona apa, tjoma abâlâ'â, djhâ tang njama Eduard Beverley, pottrana Kornèl Beverley sè ella sèdhâ sarta pas mènta'a bâlina tana Arnwood, sabâb sengko' ahli barissa."
Humphrey: 0, mon bhâb djrèja masè tadâ'â ghoenana, sabâb tana djrèja, tja'na Jakob, la èrampas Parlemmèn, amarghâ kai ata-tolong Sang Radjhâ, molana mon bâ'na mènta'a bâlina tana djrèja kèra sèngko sala ta' ètorotè, aboe-èmboe bâ'na ta' boeroeng èokom; mon bâ'na noro' tang otja', la djhâ' sa-ngasaè mènta bâlina tana djrèja sakalè, maskè Jakob ta' la ngotja', djhâ' radjâ bhâbhâdjâna mongghoe ka bâ'na, mon kareppa djrèja éterrossaghiâ."
Eduard: „Jakob apa la atotoran kabbhi parkara rèja ka bâ'na!" Humphrey: „tjâ, molana Jakob ta' atotoran ka bâ'na, amarghâ bâ'na ba'teggha gherrâ. Mon bâ'na ngèding, djha' tana Arnwood la èrampas Parlemmèn, Jakob tako', amè' bâ'na pas mènta bâlina tana djrèja satèja kèja; ella masțè parmènta'an djârèja ètolak sarla bâ'na pas èseppir. Polè sè èkasossa Jakob, tako' aba'na dhoeli matè, sabelloenna tao masabbhâr atèna bâ'na, molana abâ'na ta' ghâ'-pegghalâ' modjhi ka Pangèran, mandhâr èlandjhângngaghiâ omorra sataon otabâ doe taonagghi. Laèn dâri djrèja, lâ-bhâlâna Parlemmèn la ngèra, mon bâ'na so sèngko' satrètan la padâ matè katonon kabbhi. Lamon bâ'na pas dâteng ngako Eduard Beverley, sarta mènta bâlina tana Arnwood, la tanto bâ'na èangghep nèpo, kadhâddhiânna
ΝΑ'-ΚΑΝΑ΄ ΚΟ'ΟΝG, KΑMPA ÈDÂLEM ALAS.
