This page has been proofread.
4
Pardjhăndjhiăn ghăpanèka èlampa'aghi angghoe sareng manteppa atèna. Sèdhăna Kornèl Beverley andhăddhiaghi sossana atèna Jakeb talèbăt. Jakob njataèpon ampon ta’ onèng sè atatolonga ghoe-ongghoe dă’ randhă sareng dă’ na’-kana’ ko'ong (pottrana Kornèl Beverley), sabăb abă‘na ampon ta’ kowat; anangèng doe- kadhiă ponapa, abă-tambă njonja Beverley sèdhă sakalè; mèlana, pandjăgă'ănnèpon atèkel, kantos rangrang abă’na ngondhoeri dhălemma Kornèl ghăpanèka. Kaotja’a na’-kana’ lakè’, pottrana Kornèl Beverley, sè kadoeă padă tjè’ nganghebbiă ongghoe dă’ ka Jakob; sarrèna na’-kana’ ghăpanèka na’-kana’ ngodă’, kèngèng kolja’ ta’ onèng pa-panapa, dhăddhi sareng Jakob èlă-bălèi, èadjhări paonèngan ana-bărna; kantos dă’ka ka’-èng ko'na pangghăbăjănna dhibi’ èadjhărăghi sakalè. Sapanèka kabăda'ănnèpon naghăra, nalèka Radjhă Karel lolos dări Hampton-Gourt. Mangkèn bhădhi èdhoengngèngngaghiă polè kabădă'ănnèpon Parlemmèn ghăllă’. Nalèka Cromwell sareng Parlemmèn mèreng kabăr, manabi Sang Radjhă lolos, pas aparènta dă’ bhălă djhărănan njasak sadhădjăna kennengngan è karadjhă'ăn Inggris kalao'na; sarrèna bădă lampatta Kokotta djhărăn ka’kassa, dhăddhi panjanana orèng Sang Radjhă lolos dă’ ghika’ijă, Djhoeghă sareng njata, manabi Sang Radjhă ngongsè dă’ Alas-anjar, bhălăna Parlemmèn pas èta-panta ghăn doebellăs otabă doepolo orèng. Doe-sardădoe ghăpanèka sabănnè padă njasak sabrăttana Alas-anjar, sabănnè padă njarè dhă'Sout-hampton, Lymington sareng loe’-telloe' laènna, ponapa polè dă’ kennengngan è pèngghir sèrèng, sè kèra kèngèng èongsè’è Sang Radjhă. Saarè sabeloenna kadhăddhiăn sapanèka Jakob èntar dă’ Arnwood, njabisa dă’ njonja Judith Villiers, Njonja panèka ijè’ kasokanna adhă’ăr dhăghingnga kèbăn bhoeroeăn. Salèrana serrèng maènga’ dă’
Jakob, manabi njabisa, sopadjă abhăkta’a lè-ollè kèbăn bhoeroeăn. Amarghă angghăpanèka sabelloenna mangkat dă’ Arnwood, Jakob èntar abhăbhoeroe dhingèn ka alas, sopadjă bădă’ă sè èatorraghi dă’ njonja Judith Villiers, Sanattolla ka alas Jakob nèngalè mandjhăngan Radjhă sèttong sarta ladjhoe èsemma’è on-laonan. Sareng ampon abăk para’ dă’ kèbăn ghiăpanèka, Jakob ngalèng èboedina kadjoeăn, sarta pas arangka’ èboedina bhoet-ombhoet, sopadjă ta’ ètèngalana mandjhăngan sè ghi’prappa‘na aghămbi’ rebbhă. Djhoeghăn, ta’ onèng ponapa marghăna, kèbăn ghăpanèka pas mantjèlat, boeroe dhăksakala
