78
dhănna koros kare kolé' sareng tolang, tor masé ampon ta' abidhă polè, pèkkèrra pas tjé'ngennessa. Sarrènna naghårå mangkèn ampon éator polè, sareng Alas-anjar èkabasanè orèng laèn, aba'na aromasa, manabi ta' kéngéng abhoeroe polè; djhoeghă men-tamennanna sareng boe-oboeănna Humphrey asèlla ra-kèra tjokop èbhadhi bhă-tambhăna lapar. Nangèng pèkkèrra Eduard: „,Sèngko' la karè talotijor otja' mator ka towan sè ngobǎsanè alas, djhǎ' ghi' maksa'a ahliǎbboeroe bhai, amarghå sengko' ta' apangrasa ngabdhi ka Parlemmèn; băn Alas-anjar ghi' èkobǎsanė Sang Radjhă bhǎi. Ḍhi-anḍhi séngko' pas nemmo tjalaka', ghoe ta' ghi' băḍǎ Humphrey, sè ngèngonana Alice so Edith, băn polèna mon sèngko' ménggăt dări ḍinna', tang karep njamana tekka, amarghǎ pas ngennèng abhillǎi Sang Radjhǎ."
Sapanèka pèkkèrra Eduard toro' djhălăn; bǎdjă tengnga malem kana' panèka bhoeroe nattol ka tjompo'na. E tjompo'èpon na'-kana' sè kaḍoewǎ ampon paḍă tédoeng sadhădjă, namong karẻ Humphrey ghi' todjoe' ghoek-magghoek. Sareng ampon apangghi, Eduard pas akandha bhab pardjhǎlănanna. Humphrey djawǎbbhă to'-malto', sabăb ponapa sé ékotja'aghiă èpèkker ḍhingèn. Kana' panèka pas atotoran ḍă' Eduard, manabi Jakob è arè ghǎpanèka atambǎ sanget; abǎ'na asoro Alice matja tjarétana Nabbhi Ijoeb.
Kalagghoeănnèpon Eduard èntar dǎ' kamarra Jakob, · abǎʼna ampon pan-saponapan arè ta' kadhik onga', sarta ladjhoe ngandhǎ'ǎghi ponapa sè èpangghi molaè dări pamangkatta kantos dǎ' papalèmmanna.
Jakob njambhit:,,Eduard, ba'na tor-mator ka towan sè ngobă- sanè alas djrėja sanjatana korang dhoeghǎ kèra, nangèng ta' dhǎḍhi apa, sabǎb la băbătekka bă'na lakar apa sé bădă è atèna èpakalowar kakabbhi; mala sèngko' senneng ngatèla' bǎ'na anḍi' bǎbǎtek bǎrijǎ. Nangèng mon étoro', sèngko' satéja maènga'a ka bǎ'na, ijǎ djha' angghep apa, tjoma bă'na sakalè boeḍina mě’ollè ngastété rèja bhăi, sopadjǎ andhǎddhiăghiă kasalamettan ḍă' bǎ'na băn ḍa' tan-trètanna sè laèn. Maskè ba'na la abhillă'ăna Sang Radjhă, kalaban ghoe-ong- ghoe até rèja, djhǎ' patè wa-rowa ka orèng loe'-ḍălloe', sabab băkto satéja Sang Radjhă ghi bădă éḍǎlem tanangnga Parlemmèn. Bhen- der, mon engghoenna tja'-ngotja' bhăi bă'na ta' kèra èma-padă rămma orèng, anggher ta' tja-ngantja otaba bhăngghå. Molana sarrèna Alas- anjar réja satéja la ḍhăddhi kaghoenganna Parlemmèn, mara toro' bhǎi apa prentana, djhă' sampè' nerrak ḍhăng-onḍhăng, sabåb. mon
