90
Estoèpon băboeroeghănna Jakob ḍă' na'-kana' sẻ kaempa ghi' bǎnnja', djhoeghă ta' èsebbhoettaghiă èka'dinto sadhǎdjă.
Saamponna marè aberri' nasèhat, Jakob, èngghi panèka padjăgăna alas sè ampon towa ènggharowa, pas adhingghăl dhoennja.
Katjatora na'-kana' ko'ong se kaempa, sareng èdhingghăllaghi Jakob ladjhoe pada abherroej, abhădhi ngennessa sè mèrengngaghi, amarghă ngen-ngangen kasaèan sareng pangèstoèpon Jakob, ghi' odi'na. Sareng ampon pada dijem, pas atana', sabab ghi' paḍă taḍă' se neddhǎ'ǎ. Prappa'na atana', Alice sareng Edith ta' pegghǎ' beng-rembeng éng mata bisaos; Humphrey ta' peggha' sè malèpor atèna trètanna sè kadoewǎ. Sareng ampon massa', na'-kana' sė kaempa pas neddha asareng. Samarèna neddha, sarrèna Alice sareng Edith ladjhoe padă tedoeng.
BHĂB SÈ KAPÈNG, SAPOLO.
Eduard ngotja':,,Humphrey, madjiddha Jakob rėja bettjé' madjoe dhoeli kobhoerrăghi bhăi, sabăb mon ta' dǎ'ijă, Alice so Edith la tanto ta' kadhik ḍijem."
Humphrey,,Lakar bhaghoesan bărijà, marèna èkobhoerrăghiă èdimma?"
Eduard: Jakob la abǎsėjat ka sengko', mon matè, soro kobhoer- răghi èbăbăna bhoengkana ara ḍissa rowa.'
Humprey: „Mon bărijā, kèḍi' bhǎi sèngko' ngalèa palowatanna, pongpong tèra boelăn, lagghoe' ghi' agghoe, sabelloenna arẻ ngombăr kèra sèngko' la marè."
Eduard:,,Ijă,,nangèng èmanna séngko' sè ta' ngennèng nolongè."
Humphrey,,La dhina, ra, èkadhibi'ǎna sèngko' bhăi.”
Humphrey pas abhetbhet lengngenna Eduard, samarèna ladjhoe kalowar abhǎkta pakakas, ngaléa lobăng. Sabelloenna arẻ ngombăr, palowatan ampon marè, Humphrey pas palèman, tedoeng èseddhi'na Eduard. Kalagghoeǎnnèpon Humphrey abălă dă' Eduard, manabi kobhoerǎn ampon ranta, sarta mènta tolong maongghå madjiddhå Jakob ka djikarra.
Eduard: „ljă, madjoe, tang lengngen satèja la ta' patè sakè'. Mara pakalowar djikarra."
