92
Katjatora Eduard sè ngantos datengnga Oswald, taker pettjang, amarghă tja'na djhăndjhina ghi' saboelánanna éngghărowa sè dătengnga, mangka kantos mangkén ghi' taḍă' ngombăr djhoeghán. E naléka sèttong tèmpo kalana na'-kana' sè kaempa asa-gossa parkara Eduard sè èntara dǎ Lymington, Eduard pas ènga' dǎ' băsèjatta Jakob, manabi ghi' andi' ro-taro obăng. Kana' ghăpanèka éngghăl njaloksak petléna Jakob, kalerressan mangghi obăng sakantong; dhinèng èssèna kantong ghăpanèka bhoenten bănnè obǎng potè bisaos, obăng emmassa (dinarra) langkong sabidhăk mègghi'.
Humphrey ngotja': „Bǎnnja' ongghoe ro-tarona Jakob; rassana pèssé rèja masè ta' koranga èkakan tang tan-trètan élaʼdinna'."
Eduard ngotja': ,,Oswald rowa mandhăr dhoeliă dăteng bhǎlǎka; sèngko' bănnja sè ètanja'aghiǎ ka abă'na, ljă arèja: arghǎna teppong sakaddhoe' sengko' ghi' ta' tao, bhărǎng èn-laènna bǎrijă kėja, băn polė bărămpa bhǎ' nèngan arghăna mandjhăngan sèllong. Molana sabelloenna Oswald dǎteng, sèngko' ta' dhoeliă èntar dǎ' Lymington, mè' ta' ètjo-kotjo orèng; dhinèng mon abǎ'na ta' dăteng, so sèngko' èèntarana ka bengkona bhǎi." Obăng ghellă' sareng Eduard pas èpabǎli kadǎlem pețțė, saamponna ladjhoe nolongè Humphrey alalakon.
Bătara nem mènggoe dări pamatèna Jakob, Oswald dǎteng. Oswald atanja: „Kad bi ponapa Jakob, Salamet?"
Eduard njambhit: „Ampon wǎfat dhingèn, ta' ella' sapanapa arẻ dări papalèmanna sampėjan dări ka'into."
Oswald: „Kaoelǎ èngghi ampon ta' njaman rassa djhoeghă; nangèng Jakob ghǎpanèka rassa kaoelǎ ongghǎ swarghǎ, ghi' băḍăna è dhoennja abǎ'na ta' peggha' abhǎdhi kasaèan bhisaos. Kadhi ponapa lengngenna sampèjan, ponapa ampon saè?"
Eduard: „Lengngen kaoelǎ ampon bărǎs; njara lèngghi, among- omong èka'ijă, aponapa sampėja mě' sèsèp dări djhăndjhina?"
Oswald:,,Mèlana kaoelă kantos ellat ka'kanto, sabăb ghi' băḍă parkara patè."
Eduard takerdjhǎt mèreng olja'na Oswald sapanèkà, pas atanja: „Parkara patè ponapa?"
Oswald:,,Parkara patè sé lakar èsangadjă. Sang Radjhă mangkén ampon èukom patè sareng Parlemmèn."
Eduard atanja: „Noro' wètta karadjhǎ'án orèng èokom sareng sa- samana. Pasèra sè madhănè Sang Radjhă?”
