nila nga mitindog ug nangayb nga mosulti ang usa ka batanong kabisa.
—Pangayuon ko sa inyong kamahalan nga inyo akong pasayhion nga, bisan batan on, mangahas karon pagsulti sa atubangan sa mga tawong talahuron uyamut tungud sa ilang panuigon ingon man usab sa ilang kabuot ug kaligdong sa huniihuna sa bisan unsang butang ilang pagahukman; apan, sanglit ang maayong laking mamumulong nga si Kapitan Basilio nagdapit man sa tanan aron mopahayag dinhi sa ilang tagsatagsa ka hunahuna, tungud niini ayaw na lamang intawon ninyo tagda ang kaubus sa akong kahimtang.
Ang mga tigulang iyahayg yangbyangb, nanghimout sa mga sulti sa batan-on.
—¡Maayong mosulti kining batan-ona! — [Mapaubsanon! — [Maayong mobalay sa iyang hunahuna!—matud pa sa mga sultisulti.
—¡Kaanugon ugaling nga dili maantigong mangumpas!— misulti si Kapitan Basilio.—Apan unsaon ta man ugod: wala intawon siya makatuon kang Ciceron, ug, labut pa, batan-on pa usab kaayo.
—Kon karon ipahayag ko kaninyo, mga ginoo, ang usa ka sumbanan sa atong pangilin nga akong gimantamanta, wala ko kini himoa tungud kay akd nagatuo nga kamo wala nay ikasaway niini ug inyo lamang dayon nga uyonan; labut pa nga ako magaagad gihapon sa kabubut-on sa tanan, buut ko usab ipakita dinhi sa mga tigulang nga kaming mga batan-on sama kanilag hunahuna, sanglit uyon kami kaayo sa tanan nga gipahayag dinhi ni Kapitan Basilio pinaagi sa mga sulti nga maayo kaayong pagkabulakbulak.
—¡Maayo, maayoj—matud pa sa mga tigulang nga nanghimuot sa ulog-ulog. Si Kapitan Basilio nag-utas ug sinyas sa batan-on kon unsaon pagpalihok sa iyang mga bukton ug unsaon pagsukad sa mga till. Ang bugtong wala manumbaling mao ang gobemadorillo nga nalingaw kun adunay laing butang gihunihunll. Ang batan-on mipadayon pagsulti nga nasibot:
—Ang akong mantamanta, mga ginoo, mao kini: magmugna kita ug bag-ong mga talan-awon nga lahi sa masabug tang igakita sa matag-adlaw ug paninguhaon ta nga ang salapi nga matigum
