-Kon mao kanâ, sugot kamó ug paghimo ug kaugalingon
ninyong pangilin! -mitubág ang mga batan-on nga nanindog.
-Bawion namo ang among amot.
-Humán nag paningil ang tanan!-matud sa gobernadorcillo
Si Don Filipo miduol sa gobernadorcillo ug kiní iyang gisultihan ning mga pulong mapait:
-Gipalabí ko ugani ang usa ka butáng makaayo sa kadaghanan kay sa paglaban sa akong kaugalingong dungóg, apán giusikan mo ang kadungganan sa imong pagkatawo kay gihalad mo man sa usa ka butang waláy hinungdan ug makauulaw, ug tungud nianà gigubâ, gilumpag mo ang tanan...
Si Ibarra miingón sa magtutudlo:
-Aduna ka bay itugon kanako alang sa kaulohan? Karón dayon mogikan akó.
-Aduna ba ikáw ing pagabuhaton didto?
-Aduna kitá ing buluhaton didto!-mitubág si Ibarra nga nagpasabút nga adunay tinagoan.
Sa dalan na, ang tigulang pilosopo Tasyo miingón kang Don Filipo nga naglagot pa:
-Kitáng tanan maóy sad-an niana! Kamó walâ lamang maningog nga gihatagan usá ka pangulo nga ulipon ug ginawongan sa Kura, ug akó usáb, ¡pagkabuang ko nga nalimot lamang!
