molanog ug ang dinagaas sa tubig sa silingang suba ug ang hinaganas sa mga dahon sa kawayan mao day mabati sa taliwala niadtong kamingawan. Mobalik pagtawag, motungas sa usa ka bungtod, molugsong sa usa ka lugot, motaak sa tubig sa suba; ang iyang mga mata nanagliraw, usahay mokalit pagsiga ug unyii kapagngan dayon sa kahayag sama sa langit sa usa ka gabii nga magaunos: takus kita makaingon nga ang siga sa iyang salabutan nagapitipiti sama sa siga sa usa ka suga nga hapit na mapalong.
Mibalik pagsaka sa iyang payag, milingkod sa banig nga ilang gihigdaan sa miaging gabii, giyahat ang iyang mga mata ug nakita niya ang usa ka piraso sa sinina ni Basilio nga gisab-it sa tumdy sa usa ka kawayan sa bungbong dapit sa bung-aw: kadtong panaptona nabulit sa dugo. Apan si Sisa wala dagway makamatngon niadto kay nanaug man ug didto sa silong nagpadayon pagsud-ong sa sinina taliwalik sa kainit sa Adlaw nga makapasb ug unyi iyang gibinit; ug sa katapusan, daw gingitngitan siya sa kalibutan, miharong ug mitutok pagtan-aw sa Adlaw ug gisiga pag-ayo ang iyang mga mata.
Mipadayon pa gayud siya pagsuroysuroy nga walay gidulongan, nag-utas paninggit ug nagaulang daw irb; ang tawo nga maminaw kaniya niadtong higayona abuton gayud ug kahadlok, kay ang iyang tingog lain kaayo kay sa tingog nga mogula sa tutunlan sa usa ka tawo. Kon hiabutan kita sa usa ka unos sulod sa usa ka dakung balay nga wait na puy-i ug hapit na maguba, diin mabati ta ang makalilisang kagahub sa hangin nga makalutosay ug manghisangkb sa mga bungbong ug atop, ug didto madungog ta ang daw inagulb ug mga panghupaw nga bisan tuhoan ta nga dili tinuod, makalisang kanatb ug makapakurog sa atong mga unod, apan ang mga siyagit ug inagulo niad tong alaut nga inahan labi pang masulub-on, labi pang mamingawon ug makalilisang kay sa mga inagulb sa hangin nga atong mabati sa kagabhion kon mohuros ang usa ka unos.
Sa ingon mining kahimtanga, hiabutan si Sisa sa kagabhion. Kaha ang langit naluoy kaniya ug gipakatulog siya su’od sa pila ka takna, ug mining iyang paghikatulog usa ka manulonda mikunsad kaniya ug misapigad sa iyang agtang aron pagpapas sa iyang panumduman niadtong kagul-anan nga nagalimis sa iyang
