ka tubód nga mainit sama sa mga tubod nga makith ta sa
bukid sa Makiling. Ang iyang mga tampi gidayandayanan sa mga
bulak nga ihalas, kadaghanan kanila wala pa makadawat nianang
ngalan nga linatin nga ibunyag sa mga makinaadmanon,
apan walay duhaduha panghiilhan na sila sa mga magagmayng
mananap nga maniba sa ilang mga gihay, sa mga kabakab^
nga nagkalainlaing gidak-on ug may mga bu'.ok nga tagumon,
mapulapula sama sa bulawan, maputi ug maitum, pinitikpitikan,
masiga, tagumon nga maitum-itum ug dinayandayanan ang ilang
mga pakb sa nagkalainlaing mga bulok sa mga batang mahal.
Ang yagungyong mining magagmayng mga mananap, ang kaalingisig
sa tingog sa gangis nga magabanda sa adlaw ug sa gabii, ang
awit sa mga langgam, kun ang kinas^ sa usa ka sangang gabok
nga mahulog ug mahisangit-sangit sa kasangahan sa
mga kahoy nga iyang hiagian, mao day bugtong kasabi nga ma
katugaw sa kahilum niadtong kalibonan nga kahibulongan.
Taudtaud nga suotsuot ni pari Salvi sa taliwalà niadtong kabagonan sa kalibonan, magautas ug likay sa mga tunok nga mogunit sa iyang sotana nga ginggon, daw mohawid kaniya, ug sa mga gamut sa kahoy nga mangigdal sa ibabaw sa yuta ug nakasabal kaayc sa iyang paglakaw, sanglit dili siya anad niadtong mga dapita. Mihunong siya pagkalit: mga malipayong talidhay ug mga tingog mabugnaw nabati niya gikan sa sapa ug kadtong mga tingog ug talidhay nagkahiduol kaniya.
—Tan-awon ta kon makakita ba akog salag —matud pa sa usa ka tingog nga maanindot ug matam-is nga hiilhan kaayo sa kura; —buut unta ako motan-aw aniya apan nga ako dili unta niya hikit-an; buut ko unta siya nunot-nunotan bisan asa.
Si pari Salvi mipasalipod sa luyo sa usa ka dakung kahoy ug naminaw.
—Sa atò pa, dhimuon mo kaniya ang gihimo kanimo sa kura nga nagabantay kanimo bisan asa ka dapit? —mitubag ang usa ka tingog nga mangaya. —¡Pagmatngon pag-ayo kay ang pangabubho makapaniwang ug makapanghilawon baya sa mga mata!
—Dili, dili pangabubho ang akò: jmahigugma lamang ako nga magsamot tan-aw kaniya! —mitubag ang tingog matagming
