—La Rueda de la Fortuna, usa ka basahon sa dul^dula — mitubag si Leon.
—¿Walii ba kamo masayud nga sala ang pagtuo niining mga butanga? —matud sa kura, ug sa dakung kapungot gigisi ang mga dahdn sa basahon.
—¡Labing dakung sala ang pagbuut sa butang dill kaugalingon supak sa kabubut-on sa tag-iya! —gitubag siya ni Albino nga mitindog. —Padre Kura, kanang imong gibuhat ginatawag ug pangawat, ug si Bathalll ug ang mga tawo nanagdili nianL
Gihugpong ni Maria Clara ang iyang mga kamot sa dughan ug mitan-aw siya nga kahilakon sa mga dahon nga ginisi niadtong basah6n nga sa dili pa dugay nakapahimo kaniyang malipayon uyamut.
Supak sa gipaabut sa nanag-alirong, si pari Salvi wala rnotubag kang Albino; nagsamot lamag tan-aw sa mga dahong ginisi sa basahon nga gipamalid sa hangin, nanghitugdon ang uban sa kalibonan ug ang uban sa tubig; unya, milakaw nga naglingga-lingga, ug ang iyang duha ka kamot gipugong sa iyang ulo. Nakigsukig kadiyot kang Ibarra nga mikuyog kaniya hangtud a usa ka salakyanan nga giandam aron paghatud sa mga dinapit.
—¡Maayo da nga mipauli kanang pari nga tigtugaw sa atong mga kalipay! —mibagulbol si Sinang —Kanang iyang nawong daw nagkanayon: jayaw pagkatawa kay nasayud ako sa imong mga sala!
Sa pagkahumag hatag niadtong gasa sa iyang sinaaran, si Ibarra nagmalipayon kaayo ug tungud niini ang iyang dinulaan sa ajedrez dili na niya hunahunaon pag-ayo ni tan-awon kon maayo ba ang kahimtang sa mga pieza, ug wala na usab siya malingaw niadtong dulaa.
Tungud niini nahitabo nga bisan si Kapitan Basilio nagkalisudlisud sa paglaban sa iyang mga pieza, nakaabut gayud ug tabla salamat sa daghang mga sayop nga nahimo na sa batan-on.
—¡Tablahon, tablahon ta usab ang atong buroka! —rniingon si Kapitan Basilio nga malipayon uyamut.
—¡Tablahon ta! —misabat ang batan-on —bisan unsa ang gimbut-an nga gipakanaug sa mga hukmanan.
