ilang atubangan makiti ang tanaman, ug sa utlanan, ang kalibonan.
—¿Nganong dili man kita manig-ingon nianang malubay nga tanum nga naputos sa mga bulak ug mga putot?—matud sa tigulang nga mitudlo sa usa ka punoan nga rosal.—Huypon ug kusokusuon siya sa hangin, apan mopahinunot ug modukb lamang daw manalipod sa iyang mga bulak. Kon kanang punoan sa rosal dili pa malubay, nabali na unta; ang iyang mga bulak ipamalid sa hangin ug ang iyang mga putot mangalun-os lamang. Iniglundok sa hangin, ang punoan sa rosal mobalik pagtuyhakaw, malipayon kay ang iyang mga bulak wala mangapupo. Nan, ¿kinsa may takus makagsaway kaniya tungud sa iyang pagpahinunot sa makusog nga hangin? Didto sa unahan, tan-awa kadtong usa ka dakung punoan sa upang mga ginatabyog sa hangin ug sa iyang kasangahan nagasalag ang banog. Gikan sa kalibonan gidala ko kana nganhi bag-o pang turok; sulod sa pipila ka bulan ang iyang mahuyang lawas akong gilakilakian. Kon gilawong ko pa siya nganhi diha nga daku ug hingkod na, walay duhaduha wala unta mabuhi; gikusokuso unta siya sa hangin una mahuping ug mabantok ang yuta nga nagaliyong sa iyang punoan, uni makakupot ug makasupsop ang iyang mga gamut sa igong duga sa yuta nga angay sa iyang gidak-on ug gitas-on. Ikaw nga nahisama sa usa ka kahoy nga linawong gikan sa Uropa nganhi niining yuta nga batoon, mao usab kanay imong sasangputan ko dili ka mangitag pakitabang ug magpakailawom. Mangil-ad ang imong kahimtang, sa langit adunay mga tilimad-on sa unos ug nasuta na nga ang tumoy sa kahoy sa imong banay makadani sa linti. Dili kaisug, kon dili maoy usa ka buhat nga pinutong ang pakigbugno nga mag-usara batok sa tanan: walay makagsaway sa usa ka piloto nga modangop sa dunggoanan inigpakabati sa unang kinuya sa dakung unds nga mohuros. Ang paghupo inig-agi sa usa ka bala dili buhat nga tinalawan; ang mangil-ad mao ang pagpagatub lamang aron mapukan ug dili na mahibalik pagbangon.
—Apan kon kanang tanan akong antuson, imakaani ba kaha ako niadtong mga bunga nga akong gipaabut?—nangutana si
Ibarra;—¿tuhoan ba kaha ako sa pari ug iya ba kahang hikalimtan ang panamastamas nga akong gihimo kaniya? ¿Hinaba-
