hiyum. Maabiabihon uyamut moyukbò siya sa iyang karaang
mga kaila sa diyutay pa siya, mga kaila nga karon nangaibug
sa iyang bulahan nga kabatan-on. Wala ngani dangtig napuloglima
ka adlaw nahibalik kaniya kadtong iyang kamakisanduroton
nga tinuoray, kadtong iyang mga binata nga pakigsulti nga daw
nanghinanok sa nagapuyo pa siya sulod sa beaterio; daw
makaingón kita nga ang kabakaba, sa pagbiyi sa iyang balay,
nakighimamat sa kabulakan; igo lamang siyang milupad kadiyot ug
giinitan sa Adlaw. nawala dayon ang kagahi sa lawas sa ulod.
Ang bag-ong kinabuhi mipakit^ sa tibuok kalawasan sa batanong
dalaga: alang kaniya ang tanan lunlon maayo ug matahum:
maila natb nga ang iyang kasingkasing gitakbuyan sa gugma
tungud sa mabihagon niyang gawi ug panglihok nga dili tinonan,
ug, sanglit wala siya makaila sa mga hunahunang dautan,
wala usab makasusi nianang mga panglipaghong sa nawong
nga tinon-an. Apan salipdan niya ang iyang nawong sa paypay
kon tiawan na siya sa iyang mga higala, ug dinhi ang mga
mata niya mopahiyum ug ang iyang kalawasan pangilogan.
Nagsugod na pagpanagkot sa kabalayan, ug sa kadalanan nga gilibud sa mga banda gipanagkotan na ang mga suga sa mga aranvang binuhat sa kawayan ug kahoy, inawat nianang mga sugang binitay nga atong makita sa mga simbahan.
Sukad sa dalan, kon lantawon sa mga tamboanan nga binuksan, makita ang mga tawo nga nanagsibag lamang sa itaas sa kabalayan nga mahayag ug mahumot tungud sa mga bulak nga gidayandayan, sagol sa mga honi sa piyano, sa alpa kun sa orkista.
Nanagsahò sa kadalanan ang mga Insik, mga Katsila, mga Pilipinhon, ug niining nang-ulahi pipila nanagsul-ob mga saput nga uropanhon ug ang uban, mga saput nga pilipinhon. Nanagsagol, nanagsikilay ug nanagtukmoray ang mga binatonan nga nanagpas-an kame ug mga manok, mga tinon-an nga nanagsul-ob mga saput nga maputi, mga babaye ug mga lalaki, nanagsuroysuroy sa kadalanan, nag-ayo nga panghiligsan sa mga salakyanan nga nanagsahb lamang pagpangagi, ug bisan sa singgit nga ¡tabi! sa mga mamilino, lugos lamang managpakaagi.
Sa tungod sa balay ni Kapitan Basilio, pipila ka batan-on mihatag katahuran sa atong mga kaila kinsa ilang gidapit pag-
