buhat nga angayan dill gayud hikalimtan sa iyang buotan nga
mga molupyb. Nakita ko usab ang daghang mga dagkung-tawo
sa Kabite, Pampanga, ug daghang mga datb sa Manila, mga
banda sa musika, usa kanila ang bantugan sa Pagsanghan,
kaugalingon sa ginoong eskribano nga si Don Miguel Guevara, ug
ingon man nakita ko usab ang daghan uyamut nga mga Insik
ug mga Indio, nga, tungud sa pagkamadukidukion sa nanghiuna
ug sa pagkamaalampuon sa nanghiulahi, nanagpaabut sila sa
dakung kahinam sa adlaw nga saulugon ang masadya nga pangilin
aron pagtambong sa usa ka talan-awon nga cómico-mimico-lirico-coreogrdfico-dramatico, ug alang niini adunay gipatindog nga
dakfl ug hamugaway nga intablado sa taliwala sa sawang.
“Sa ikasiyam ang takna sa gabii sa adlaw nga ikapulo sa bulan, bisperas sa pangilin, human sa makabuhong panihapon nga giduiot kanamb sa Hermano mayor, nakapahibulong kanamong mga Katsila ug mga prayle nga diri sa kombinto ang mga honi sa duruha ka banda sa musika nga kinuyogan sa daghang mga tawo nga nanagdasok, dinuyogan sa mga butobuto sa mga kuwitis ug daghang mga luthang ug pinangulohan sa mga dagkung-tawo sa lungsod, nangari diri sa kombinto aron pagkuha ug paghatud kanamb ngadto sa dapit nga giandam ug gigahin alang kanamo aron pagtambong sa talan-awon.
“Napilit kami pag-uyon sa maabiabihong pagdapit. bisan sa akong bahin niadtong higayona palabihon ko unta ang pagpauraray sa mga bukton ni Morfeo (1) aron makapahulay ang akong kalawasan nga daw nadubok tungud sa labihang tay-og sa salakyanan nga gipahulaman kanamb sa gobernadorcillo sa lungsod sa B.
“Busa nanganaug kami aron pagpangit^ sa among mga kauban nga nanihapon sa balay nga aduna diri ang mapuanguron ug bahandianon nga si Don Santiago de los Santos. Ang kura sa lungsod, si M. R. P. Fray Bernardo Salvi ug si M. R. P. Fr. Damaso Verdolagas, nga, tungud sa talagsaong kaluoy sa Kahitasan, naayo na sa usa ka balatian nga iyang giantus gumikan sa pagdapat kaniya sa kamut sa usa ka tawo nga kaaway sa atong tinuhoan, kuyog kang M. R. P. Fray Hernando de la Sibyla ug sa buotan nga kura sa Tan-awan ug uban pang mga Katsila,
(1) Bathala sa katulog. — Pahamatngon sa Taghubad.
