mahibalong mangita sa pusod sa higante aron nianang dapita
sa iyang lawas anha siya tudyoka sa hinagiban.
“Dili ko na lamang ministil iasoy kanimo nga sulod sa panahon nga kami nanambong sa maong talan-awon, ang kamaabiabihon sa Rothchild1 nga Pilipinhon wala motugot nga kakulangan kami sa bisan unsa: mga sorbete, limonada, mga matam-is, mga bino ug uban pang mga ilimnon ug makaon nanagtuasik ug gipatara lamang kanamb didto sa dapit nga among himutangan. Gikahibudngan ang wala pagtambong sa naila ug maalam nga batan-on nga si Don Juan Crisostomo Ibarra nga, sumala sa imo nang hibaloan, ugmang adlawa maoy mangulo sa mga buluhaton sa panalangin sa unang bato alang sa dakung tulonghaan nga iyang ipatindog. Kining takus uyamut nga kaliwat ni Pelayo ug ni Elcano (kay, sumala sa akong hibaloan, usa diay sa iyang mga apohan bahin sa iyang amahan tumitindog man sa atong maisug ug hamiling mga lalawigan sa Amihanan, dagway usa sa unang mga kauban ni Magallanes kun ni Legaspi) wala usab mopatim-aw sa tibuok adlaw tungud sa usa ka diyutayng balatian sa lawas nga iyang giantus. Ang iyang ngalan gilitok sa tanang baba, hupong sa mga dalayeg nga makapasidungog sa Espanya ug sa mga matuod nga Katsilà sama kanatò nga dill gayud magpakaulaw sa dugb nga nagadaligdig sa atong kaugatan bisan hisagulan na ug lain.
‘Karong buntag, sa ika 11 ang takna, nakatambong kami sa usa ka talan-awon nga mahinuklugon uyamut. Karong adlawa, sumala sa hisayran na sa tanan, mao ang pangilin sa Virgen de la Paz nga saulugon sa mga Hermano del Santisimo Rosario. Ugma mao ang pangilin sa patron nga si San Diego ug mangapil ug tinuod sa mga hilikayon niining pangilina ang mga Hermano de la V. O. T. Kining duruha ka kapunongan nanag-indigay sa pag-alagad kang Bathala, ug kining ilang pagalagad nakapaturok kanila balaanong bingkilbingkil, sama sa nahitabo karong bag-o tungud sa pag-ilogay nila sa usa ka bantugang magwawali, ang kadaghan ko na hinganling talahuron uyamut nga pari Damaso, nga maoy mowali ugma ug usa ka wali nga, sumala sa gituhoan sa kadaghanan, mabantug gayud tungud sa kaanindot ug pagkamaayong pagkabalay.
(1) Bantugang bangkero ug sapian nga Pransiyanhon, Kaliwat ug Hudiyo. —Pahamatngon sa Taghubad.
