Ang mga banda sa musika nanagtugtog sa diana sa paggimaw sa unang kahayag sa banagbanag, namukaw sa mga molupyb sa lungsod nga gipangapoyan. Ang kasadya ug kadasig nangabanhaw, ang mga lingganay gipamagting na usab ug nagasugod na upod ang mga buto-buto sa luthang.
Mao kadto ang katapusang adlaw sa pangilin, mao ang kahugan gayud nga matuod. Ginapaabut ang daghan kaayong mga talan-awon labaw kay sa adlaw nga miagi. Ang mga Hermanos de la V. O. T. labing daghan kay sa mga Hermano del Sant'timo Roario ug ang mga sakop niya nanagpahiyum ngadaw naluoy, nanagtuo nga ang ilang pangandam molabaw gayud kay sa ilang mga kaaway. Namalit silag labing dagkung mga kandilii: ang mga Insik nga nanagbaligya ug talo nanagpakasapi pag-ayo, ug agig balus niini naghunahuna sila pagpabunyag, bisan adunay nanag-ingon nga dill tungud sa pagtuo nila sa atong tinuhoan, kon dili aron lamang pagpangasawa. Apan ang mga biyata nanubag:
―Bisan pa mao kana, ang pagdungan pagpakasal sa daghang mga Insik maoy usa na ka katingalahan; ang ilang mga asawa da unya maoy mahibalo nga maghinayhinay pagkabig kanila.
Ang naga tawo nanagsul-ob sa ilang mga saput nga labing maayo; sa ilang mga sudlanan nanggula ang tanang mga alahas. Ang mga tahur ug mga sugarol nanagsul-ob mga sinina nga binoldahan, binntonisan ug mga batong mahal, nanagtangkil mga mabug-at nga talikalang bulawan ug nanagkalb mga maputi nga jipijapa. Ang tigulang pilosopo mao day wala mag-ilis bag-óng saput: sinina nga sinamay nga may mga lapak maitum ug binotonisan hangtud sa liog, mga sapin nga hamugaway ug halapad nga kalong fieltro nga abuhon.
—Ikaw nagmasulub-on karon labaw kay sa unang mga adlaw—giingon siya sa teniente mayor;—¿dill ka ba diay buut
