—¡Kondenada! jPamati pag-ayo aron ikaw makadungog ug wali nga sama sa Biycrnes Santo!
Ug gilusi niya ang bata, kinsa nahinuklog, gikulim^ ang iyang nawong, gibudlot ang iyang mga ngabil ug unya midiyong.
Pipila ka tawo nga nanagpungkb nanagduka duol sa mga kompisalan. Usa ka tigulang nagyangb-yangb sa iyang ulo, nakapatuo kang Hermana Pute, nga nangadye ug nagsamot hinol sa iyang kuwintas nga rosaryohan, nga kadtong pagyangb-yango sa tigulang mao ang labing maayong paagi ar6n pagtahud sa mga gimbut-an sa langit, ug mao nga sa hinayhinay iyang gisunod. Si Ibarra didto sa usa ka suok: si Maria Clara didto magluhod duol sa altar mayor, sa usa ka dapit nga wala paduolig tawo ug gigahin gayud sa mga sakristan alang sa dalaga, sumal& sa gipahimangnb kanila sa kura. Si Kapitan Tiyagb nga nagasul-ob ug frac nagalingkod sa bangkb nga giandam alang sa mga punoan sa lungsod, busa tungud niini, ang mga bati nga nanag pakaila kaniya nanagtuo nga siya maoy usa usab ka gobernadorcillo, ug tungud niini wala sila mangahas pagduol kaniya.
Sa katapusan miabut ang Alkalde kuyog sa iyang Etado Mayor nga gikan sa kristiya ug milingkod sa usa sa mga dagku ug maanindot lingkoranan nga binakbakag alpombra sa ilalum. Ang Alkalde nag-Je gala ug sa iyang dughan nagababag ang banda ni Carlos III ug upat kun lima ka mga medalya.
Ang mga tawo wala makaila kaniya. —¡Aba! —matud pa sa usa ka magdadaro: —¡usa ka sibil nga nagasul-ob ug saput sa magdudula!
—¡Kuwanggol! —gitubag ug gisikil siya sa iyang katupad; —¡mao kana si prinsipe Villardo nga atong nakita kagabii didto sa intablado!
Mitubò ang bill sa Alkalde sa atubangan sa mga mata sa mga tawo ug giisip siyang prinsipe nga ingkantado, mananaug sa mga higante.
Gisugdan ang misa. Ang nanglingkod nanindog ug ang nangatulog mimata tungud sa tiling-tiling sa kampanilya ug sa masipang tingog sa mga kantores. Si pari Salvi, bisan sa kaligdong sa iyang nawong, maila ta nga nahimuot tungud kay ang diacono ug ang subdiacono pulos man gayud mga paring agustino.
