kakita niadtong iyang lihok, nakahuniihun& nga ang pari misinyas kanila ug gilayon ilang gitakpan ang mga ganghaan; ang Alferez mialindasay ug nagduhaduha kon mogula kun pabilin ba, apan ang magwawali misugod na pagsulti sa hataas nga tingog, tibuok ug masipsl: walay duhaduha ang iyang karaan nga ama de llaves may kalaki gayud sa panambal.
“Maanindot ug nagkasiga ang altar, halapad ang ganghaan nga daku, ang hangin mao ang magadala sa mga pulong diyosnon nga nagatubod sa akong baba; busa pamatia ninyo sa mga dalunggan sa inyong kalag ug kasingkasing, aron ang mga pulong sa Ginoo dili mangahulog sa yutang batoon ug panuhakon sa mga langgam sa Ispidno, kon dili hinunoa aron kamo manubb ug manggitib sama sa usa ka balaanon binhi sa kaumahan sa atong talahuron ug bulahan uyamut nga P. S. Francisco! Kamo, mga dagkung makasasala, mga binihag sa mga inoros nga kalagnon nga mipasad sa kadagatan sa kinabuhing dayon, luwan sa dagkung mga sakayan sa kahilayan nga lawasnon ug kalibutanon, kamo nga nanagbala sa mga pikit nga puthaw sa kaulag ug mga mangil-ad nga hunahuna ug nanagbugsay sa mga sakayan ni Dusipil nga ispidnohanon, tan-awa ninyo sa dakung pagpaubiis di ha sa altar ang manluluwas sa mga kalag sa mga kamut sa yaw^, ang maisug nga Gedeon, ang kusganon nga David, ang ma nanaug nga Roldan sa atong Tinuhoan, ang guwardia sibil nga langitnon, labing maisug kay sa tanan nga mga guwardia sibil karon ug sa umaabut, bisan silang tanan lumpungon” (ang Alferez midiyong) —jOo, ginoong Alferez, labing maisug ug makagagahum, kay bisan wala siyay pusil kon dili usa da ka krus nga kahoy ang iyang gipas-an, nakadaug sa dakung kaisgot batok sa walay katapusan nga tulisan sa kangitngitan ug sa tanang mga sakop ni Dusipil, ug panghutdon unta sila paghabas aron dili na manuyhakaw hangtud sa hangtud kon ang mga yawa may kamatayon pa! Kining katingalahan sa buhat nga diyosnon, kining kahibulongan nga wala pa igkith, mao kanang bulahan nga Diego de Alcala, nga, gawion ko ang usa ka pagtangdi, sanglit ang pagtangdi makatabang man pagpasabut niadtong mga butang dili masabut, sumalii sa ginaingon, busa ingnon ko kamo nga kining dakung balaan sa langit many usa lamang ka sundalo nga iwit, usa lamang siya ka suluguon sa pagbahinbahin sa
