Si pari Damaso nagpangurog sa kasuko, nalimot sa iyang wali ug maayong sinultihan.
—¿Nakadungog ka!—nangutana sa iyang kauban ang usa ka batan-on tinon-an sa Manilii;—dabison mo ba ang imoha?
—¿Yati da! ¡Abison niya pag-una ang iyaha! —mitubag ang usa nga mitudlb sa pari nga nagwali.
Si Ibarra gigil-asan; milingi siya kay nangitag suok nga takus unta niya kapahiplian, apan ang simbahan pun6 uyamut sa mga tawo. Walay nabati ug nakita si Maria Clara, nga nagsamot lamag sud-ong sa bulahang mga kalag sa Purgatoryo, mga kalag nga hitsurag mga lalaki ug babaye nga pulos nanaghubb, managlukdog mitra capelo1 kun mga toca, 2 ug giasal sa kalayo samtang nanaggunit sa bakus ni San Francisco nga wala gayud mabugto bisan giunsa na lamag yudyod sa mga kalag.
Ang prayle nga nagatamod.sa wali wala na makatultol sa pagkadungog niadtong mga pulong wala mahisulat sa kuwaderno nga iyang gitamdan, gilaktawan niya tutulo ka bahin sa wali ug nagkond-kono paghunghong kang pari Damaso nga mipahulay ug naghangus pa tapus niya pahungawa ang iyang kapungot.
—“¿Kinsa kaninyo. mga makasasala nga namati karon kanakb, ang motilap sa mga samad sa usa ka alaut ug nagkagidlay nga makalilimus? ¡Tubag ug ipataas ang kamut...¡Wala gayud! Daan pa lag! ako: ang usa da ka santos sama kang San Diego de Alcala maoy makahimo niana; gitilapan niya ang lawas sa usa ka tawo nga naputos sa samad ug giingon niya ang usa niya ka igsuon nga nahitingala: jlngnon niini pagtambal kining masakiton!... jMao kana ang paghigugma sa isigkatawo nga gitudlb sa atong tinuhoan! jOh, kaluoy nga kristohanon! ¡Oh, kalulot nga walay sanglitanan! jOh, hiyas sa mga hiyas! ¡Oh, kahingpitan nga dili takus masunod! jOh, batobalani nga walay buling!...”
Ug mipadayon siya pagsulti sa ingon niani, dinupa ang mga bukton nga usahay ituboy ug usahay usab ipaubus sama sa magabugaw ug langgam.
—“¡Una siya mamatay misulting linatin bisan siya dili maantigong molinatin! jMao kana ang inyong katingad-an ug daku,
__________
(1) Tabon nga puli sa alimpoo sa Obispo, Arzobispo kun Cardenal.
(2) Pandong puli ug pinatuskig sa tnadre.
