labing mahayag nianang Adlaw nga nagatuyok sa imong tiilan!
Tabangi ako ninyo, iampb ako ninyo kang Bathala aron iya akong
lamdagan ug pangadye kamo sa Maghimaya la, Marta.”
Ang tanan nangluhod ug nabati ang usa ka yagungyong nga sama sa hinadyong sa daghang mga lagong nanagpundok. Ang Alkalde milugos pagluhod sa iyang pikas nga tuhod, nagutas panglingo daw nabalaka; ang Alferez naluspad ug nagbasul.
—¡ltambug sa ispidno kanang kuraha!—mibagutbot ang usa sa duha ka mga batan-on nga gikan sa Manila.
—¡Ayaw pagbanha!—mitubag ang usa—kay hidunggan unya kita sa iyang kamaayo...
Samtang kini nahitabo, si Pari Damaso, inay unta mangadye sa Maghimaya ka Marta", nag-utas na hinuon ug panuyo sa prayle nga nagatamod sa iyang wali, kay gisayloan man niini ang tutulo ka bahin nga labing maayo, mikaon duha ka buok merengue ug miinum usa ka basong bino sa Malaga, nagatuo nga ang merengue ug bino labing maayong molamdag kay sa tanang mga epiritu santo, bisan kini magatagb sa panagway sa usa ka salampati nga dingat. Karon magasugod na usab siya sa wali nga tinagalog.
Gitangkugo na upod sa tigulang biyata ang iyang apo nga babaye ug kini nahigmata nga nagadaut ang buot ug nangutana:
—¿Tinghilak na ba?
—Dili pa; apan ayaw pagkatulog, jkondenada!—mitubag ang apohan.
Sa ikaduhang bahin sa wali, sa atb pa, sa bahin nga tinagalog, diyutay da kaayo kami ug hitiman-an. Si pari Damaso mosulti sa tinagalog sa wala lamay pangandam, dili tungud kay batid na siya kaayo mining pinulongana, kon dili, sanglit nagatuo man nga ang mga Pilipinhon nga nanagpuyo sa mga lalawigan gawas sa Manila pulos mga walay alamag sa mga lagda sa Retorica,1 dili siya mahadlok bisan masayop sa ilang atubangan. Sa mga Katsila hinuon managana na siya: nakadungog
man ugod nga nanagsulti sila bahin sa mga lagda sa maayong
__________
(1) Basahon nga nagtudlo sa mga legda sa paghimog maayong sinulat ug
pakigpulong.
