gayud nga moadto sila sa luyong tumoy sa kalibutan, nga,
ingnon tang pulonga, aron ang usa ka lawas makalihok kinahanglan
pa gayud nga rnangutana un^ sa iyang ulo nga atua mahimutang sa
laing d.apit sa kalibutan, tingali sa mga dapit nga
karon gitabonan na sa mga balud sa dagat. Bisan daw dill katuhoan
kining kakulang sa kahingpit nga akong giasoy, apan
makatuo kamo kon inyong hunahunaon ang mga kahigayonan
niadtong mga binuhat nga jlugos ngani kanganlan ug tawo!
Niadtong unang mga panahon, kining mga tawhana sandurot
pa kaayo ni Bathala (sumala sa ilang gituhoan) kay kini
aduna may mga tinugyanan, nga maoy mga binuhat nga lahi
sa uban ug kanunay nga sa ilang ngalan magauna kining mga
titik: M. R. P. Fr. ug sa paghubad sa kahulogan mining mga
titik ang atong mga makinaadmanon wala managkauyon. Sumala
sa atong maarang-arang magtutudlb sa mga pinulongan,
kay usa da man ka gatus ka pinulongan ang iyang hikat-onan
sa daghan uyamut nga dili hingpit nga pinulongan sa kakaraanan,
kanang mga titik M. R. P., sa atò pa, Muy Rico Propietario,¹
kay kining mga tinugyanan maoy mga binuhat nga maagidagid kang
Bathala, mga buotan uyamut, maayo kaayong mga
mamumulong, mga maalam kaayo, ug bisan sa ilang dakung
kagahum ug kadungganan, dili gayud makasala bisan diyutay,
busa kini nakalig-on sa akong pagtuo nga kadtong mga tinugyanan
ni Bathala kanhi lain gayud ug kinaiya kay sa ubang
mga tawo. Ug kon kini dili pa igo aron malig-on ang akong
hunahuna bahin mining butanga, aduna pa gayud ing usa ka
katarungan nga wala Jalisa ni bisan kinsa, hinunoa matag-adlaw
ginamatuoran, ug mao nga kadtong mga binuhat nga kahibulongan
uyamut kanunay magpakanaug kang Bathala nganhi sa
yuta pinaagi lamang sa paglitok sa pipila ka pulong, nga si
Bathala dili makahimo pagsulti kon dili pinaagi sa ilang baba,
nga ang lawas ni Bathala ilang kan-on, ang dugo ilang imnon
ug masabug usab nga ilang ipakaon sa mga timawa...”
Kini ug uban pang mga butang mao ang buut pasangil sa
pilosopo nga walay pagtuo sa mga tawo nga dautan sa kaugmaon.
Kaha nasayop ang tigulang Tasyo, butang kini nga dili
malisud mahitabo; apan balikon ta ang atong sugilanon.
____________
(1) Dato uyamut nga tag-iyag mga bienes.
—271—
