Ang mga ginikanan managkidhatay, managsikhanay, ma- nagsinyasay ug sa ilang mga pahiyum maila ta nga sila nang- himuot kaayo.
-Da lagít -matud sa usa ka babayeng tigulang nagausap ug tilad; bisan ang akong bana dili mosugot, ang akong anak nga si Andoy parion ko gayud. Matuod nga mga kabús kami, apan managbudlay gayud kon ugaling kinahanglan man: magpakilimós ugód kami! Aduna gihapoy móhatág ug salapi aron ang mga kabús mangapari. Wala ba ugod magaingon si "Hermano" Mateo, tawo nga dili gayud maantigong mobakák, nga si Papa Sixto maoy usa lamang ka magbalantay sa mga ka- labaw didto sa Batangas? Nan, tan-awa, tan-awa da ninyo ang akong anak nga si Andoy kon dili ba ang iyang nawong samà na gayúd sa kang San Vicente!
Ug ang inahan intawon nahimuot kaayo nga nagapaminaw sa iyang anak nga migunit sa tenedor sa iyang duha ka ka- mot.
-Tabangan unta siya ni Bathalà! -midasón ang tigulang la laki nga nagausap sa iyang upa; kon si Andoy ma-Papa ngani mangadto gayud kitò sa Roma, hehé! maayo pa man ako nga molakat. Ug kon mamatay ako... hehé!
-Ayaw lamag saba, tigulang! Si Andoy dili gayud malimot siyang gitudloan paggama mga bukag-bukag nga ka wayan ug mga dagáng.
-May katarungan ka, Petra; ako usab nagatuo nga ang imong anak... magkaminos-minos mahimo gayúng "patriarca". Wala ako makakita ug bata nga sama kaniya nga nakakat- on sa iyang opisyo sulod sa hamubo dang panahon! Mahinum- dom, mahinumdom da gayud siyà kanako unya kon mahimo na siyang Papa kun obispo ug magakalingaw siyág buhat mga bu kag-bukag alang sa iyang manluluto nga babaye. Pahanungdan da unya niya usa ka misa ang akong kalag, hehé!
Ug ang tigulang, hupong sa paglaum, mikatawa ug gipu. nò sa buyo ang iyang puntil.
-Kon dunggòn ni Bathala ang akong mga pag-ampo ug matuman ang akong gipaabut, ingnón ko unyà ang akong anak: Andóy, hugasi kaming tanan sa among mga sala ug ipadalá kamí sa langit. Wala na unyay kinahanglan nga mangadye
