ayo, maanindot ug dili mahal. Ang mga tawo patrabahuón niya pag-ayo ug tag-waló da ka dakù ang iyang isuhol matag- adlaw, bisan kadtong mga mamumuo nga gikan sa laing lungsod. Kanang uldogà maantigong modalà ug tawo, dili sama nianang daghang mga hungóg ug mga "mestecillo" nga nanaghatag dau- tang pagtulon-an sa mga "Indio" nga ilang panuholan ug tagut- lo la sikapat kun manalapi ang adlaw.
-Suholan lamag tagwaló ka daku ang adlaw? Dili mahimo! pulong sa Alkalde nga buut na unta magahisgot laing mga butang.
-Oo, ug kana mao uncay angayang sundón sa tanang maayong Katsila. Nakita na gayud: sukad buksan ang "Canal de Suez", ang mga dautang batasan nangabut nganhi. Kaniadto,sa moliko pa kità sa tumoy sa "El Cabo", dili manghiabut nganhi ang mga dautáng tawo ni mangadto ang tagadinhi aron mangahimong dautan!
-Apan, parì Dámaso!... Ikaw nakaila na kon unsa ang "Indio"; inigpakakat-on gayud ug diyutay, magpaka-doktor na dayon. Kanang tanang mga sip-onan nga mangadto sa Uropa.
-Apan pamati ngani! . . . -misakgaw ang Alkalde nga gigil-asan tungud sa pagkamahagiton niadtong mga pulonga.
-Ang tanan mosangput gayud sumala sa angay kanila mipadayon ang pari; -ang kamót ni Bathalà makita sa tali- wala niining tanan; buta kaayo ang dili makakita niana. Dinhi niining kinabuhi managpakadawat nang daan sa silót ang mga ginikanan nianang mga halas ... Mangamatay sa bilanggoan! hé! hé!, ingnon tang pulongà, walà ngani makakaplág ug dapit diin...
Apan wala makatibawas sa iyang sulti. Si Ibarra, nga nalagum na sa kasuko, nagapaminaw kaniya, ug sa pagkadungóg sa pasumbingay sa pari alang sa iyang amahan, mitindog ug mikalit pagluksò dungan ang makusóg nga suntók sa ulo sa pari nga nahayang ug nabungóg.
Puno sa kahikurat ug kalisang, wala gayúy usa nga nanga- has pagpataliwala.
-Palayo kamo! -misinggit ang batan-on sa tingóg makalilisang ug mikawhát sa usa ka mahaít nga kutsilyo samtang iyang
