tang kang bisan kinsa sama sa silot; apan gikalipay ko usab kay nakailá man akó nianang batan-ona, nasayud akó nga siyá taga- San Pedro Makati ug maayong mosulti sa tinagalóg. Karon buút siyá nga tuhoan sa mga tawo nga bag-o lamang nahiabút gikan sa Rusya ug naghunahuna nga makapasidungóg kaniya ang pag- pakita sa kadaghanan nga siyá dili maantigo sa sinultihán sa iyang mga ginikanan.
-Kon maó kaná, "Dios los cría y ellos se pegan!"
-Bisan pa niana, kinahanglan gayud nga kitá magpadayág sa atong pagsupak sa gibuhat sa pari-, misulti ang usa ka ti- kon kitá magpakahilúm lamang, sama da nga kitá miuyon, ug kadtong nahitabo sa batan-on mahimo usáb nga mahitabo kang bisan kinsa kanato. Daw mobalik kitá sa pana- hon ni Nerón!
-Nasayóp ka! -gitubág, siya sa usá ka tinon-an; -kadto si Nerón maoy usá ka dakung "artista" ug si pari Dámaso ma- ngil-ad kaayong mowali.
Ang sultisulti sa mga tawong hamtong lain kay sa mga batan-on.
Samtang nanaghulát silá sa pag-abút sa Kapitán Heneral sa usá ka diyutayng baláy gawás sa lungsod, ang "gobernadorcillo" nagkanayón:
-Dili butang masayón ang pagsulti kon kinsa kanilang duhá ang may katarungan; apan kon si ginoo Ibarra nagbatón pa unta diyutay nga kabugnaw sa buót..
-Tingali ang buút mo ipasabút maó nga kon si pari Dámaso nagabatón pa unta bisan sa katungá na lamang sa kabug- naw sa buót ni ginoo Ibarra, dili ba maó? - misanta si don Fili- po. Ang kadaut anaa nga nagakabaylo ang ilang kahimtang: nüining higayona ang batan-on nagpakatigulang ug ang tigulang nagpakabatan-on.
-Miingón kamó nga wala gayúy usá nga milihok waláy usá nga miduol aron pag-uláng kanila, gawás sa anák dalaga ni Ka- pitan Tiyago, dili ba maó? -nangutana si Kapitán Martín. Wala gayud, bisan usá sa mga prayle, bisan ang Alkalde? Hm! Daután, daután uyamut! Dili ko ibaylo ang akong kahimtang sa kahimtang ni ginoo Ibarra. Tungúd kay niadtong higayona gikahadlokan siya, walay usá nga mopasaylo kaniya. tán, daután uyamut! Hm!
