sukód sa kaugalingon ug matapus sa mga buhat nga makauulaw! Karón dayon moluwát akó sa akong katungdanan sa atubangan sa Alkalde; natagbaw na akóg antus sa mga yam-id sa mga tawo ug wala akó makahatag kapuslanan kang bisaa... Arí na akól
Ang hunahuna sa mga babaye lain usáb.
-Ay! -nanghupáw ang usa ka babaye nga malumó ug pa- nagway; -maó gayúd kaua ang mga batan-on! Kon buhi pa unta karón ang iyang buotan nga inahán, unsa kaháy iyang pulong? Ay, Ginoo! Kon magpalandong ngani akó nga maó usáb kana ang mahitabo sa akong anák nga mainiton usáb ug ulo... Ay, Hesus! daw ingon ug nasina hinuon akó nga nama- tay ang inahán ni Crisóstomo... mamatay dagway akó sa ka- guol!
-Apan akó, dili -mitubág ang laing babaye;-dili ako maguól kon kana maóy mahitabo sa akong duhá ka anák.
-Unsa ugód ang gingón mo, Kapitana María? -matud sa unang babaye kansang mga kamót gihugpong ug gitapion sa dughan.
-Mahimuót akó nga ang mga anák molaban sa handuma- nan sa ilang mga ginikanan, Kapitana Tinay. Unsa may ipa- mulong mo kon sa adlaw nga ikaw mabalo makadungóg ka nga libakón ang imong bana ug unya ang imong anák nga si Antonio moduko lamang ug dili motingog?
-Itungina ko kaniya ang akong panalangin! -mitubág ang laing babaye, si "Hermana" Rufa-, apan...
-Dili usab akó makahimo niana! -misagbat ang buotan nga Kapitana Tinay; -usá ka inahán dili angay nga mosulti nia- na. . ., apan ambút lamang kaha kon unsay akong buhaton . . ambút lamang... tingali mamatay akó... ako siyá nga... dilil... Ginoó kol apan dili na akó mahagugma nga motan- aw sa akong anák . . . Apan unsa ugód kanang imong hing- hunahunaan, Kapitana María?
-Bisan pa nianang tanán - misumpay si "Hermana" Rufa,
-dili nato hikalimtan nga maóy usá ka dakúng salâ ang pag- pangahas pagdagmal sa usá ka tawo nga "sagrado".
-Labing "sagrado" ang handumanan sa mga ginikanan!
-mitubág si Kapitana Maria. Walay tawo. bisan ang Papa.
