-Apan akó-matud ni Kapitana Maria nga nagaligdong pag- ayo, kon dato pa sama kanimo, pasagdan ko unta nga ang akong mga bata mopanaw sa laing dapít: mga batan-on silá ug mangahimong dagkung tawo ugma-damlag... Hamubó na la mang ang akong kinabuhi... Managkita da kamí sa laing ka libutan... Ang mga anák kinahanglan maninguha paglabaw sa ilang mga ginikanan, ug sa atong sabakán igo lamang silá nga atong gitudloan ug mga binata.
-Kalain da nimog mga hunahuna!-matud ni Kapitana Tinay nga daw nalisang ug gihugpong ang iyang mga kamót;- ingón hinuon ug wala ka sakití sa pagpanganák mo sa imong mga kaluha!
-Tungúd man bitaw hinuon kay gisakitán akó sa pagpa nganák kanila, gimatuto ug gitudloan ko silá sa mga maayong pamatasan bisan pa sa among kakabús, kay dili ako buút nga sa humán ang labiháng kabudlay, dili mahingpit ang ilang pagkatawo...
-Sa akong paghunahuna, ikaw wala mahagugma sa imong mga anak sumala sa gisugo ni Bathala!-matud ni "Hermana" Rufa sa dakúng kaugdang.
-Pasayloa akó; ang tagsatagsa ka inahán adunay lainlain nga paghigugma sa iyang mga anák: ang ubán mahagugma sa ilang mga anák alang kanila, ang ubán tungúd kanila ug ang ubán usáb alang da gayud sa ilang mga anák. Akó maóy usá niining nanghiulabí, kay maó kana ang gitudlo kanako sa akong bana.
-Kanáng tanán mong mga hunahuna, Kapitana Maria matud ni "Hermana" Rufa nga daw nagwali, wala kaayo ma- hasubay sa mga pagtulon-an sa atong Tinuhoan. Sumulod ka hinuón sa pagka-"Hermana" sa Santísimo Rosario, sa San Fran cisco, sa Santa Rita kun sa Santa Clara ba! "Hermana" Rufa, unya kon mahimo na akong takús nga igsuon sa mga tawo, mao pay akong pagpaninguha nga mahi- mong igsuon sa mga santos!- mitubág si Kapitana Maria nga nagapahiyum.
Aron paghingpit gayúd niining bahin sa mga sulti-sulti, ug arón ang mga magbabasa masayud bisan sa daklit lamang. kon unsay hunahuna sa mga tawo nga nanagpuyo sa kabaolán bahin sa nahitabo, mangadto kitá sa sawang, diin sa ilalum sa
