kana ingala sa usá sa kristiyanos, sa kura kun sa usa ka Katsila sa lain usab nga kristiyanos ingon kanato, sama da sa pulong "santusdeus" inubanan sa "requimiternam", matud pa sa "tele grafista" ug sa "directorcillo". Kon ikaw nganlan ngani ug "plibustiero", pangompisál na lamang daan ug pamayad sa imong mga utang, kay wala ka nay laing mahimo kon dili ang pag- pabitay na lamang. Sayud ka na nga ang "telegrafista" ug ang "directorcillo" mga hibalo kaayo niining mga butanga: ang na hauná mosulti pinaagi sa kawat ug ang ikaduhá maantigong mo- kinatsila ug walay laing kinuptanan kon dili ang dagang da nga igsusulat.
Ang tanán nangalisang.
-Mapugús pa ako pagpasapín ug pagpainúm sa tibuok kong kinabuhi nianang ilimnon nga madalag sama sa ihi sa kabayo nga ginganlan sirbisa, apan dili gayud akó mosugót nga tawgon ug "pelbistero"! nanumpa ang magbabaul nga nagwara-wara sa iyang kumo. Kon akó datò pa sama kang kon Crisóstomo, maantigong mokinatsila sama kaniya, lagsik nga mogawi sa kut silyo ug sa kutsara kon mokaon, kataw-an ko lamang unta ang lima ka kura!
-Ang unang sibíl nga hikit-an kong mangawat ug himu ngaan, nganlan ko dayon ug "palabistiero"... ug unya mangom pisal akó dayon! -nagkanayón sa tingog mahinay ang usa ka magbabaul nga mibulág sa tapok.
