akó dinhi ning kinabuhi ug didto unya sa laing kalibutan! Maó usáb kana ang gisulti kanako sa tanán, hangtud si pari Sibyla! Kinahanglan takpan ko ang ganghaán sa akong balay alang kaniya.... Utangan da ba ako ug kapín sa kalim-an ka libo ka pisos kaniya! Gisulti ko man unta kiní sa mga pari, apan wala ako nila tagda. "Hain may palabihon mong mausik", matud nila: "ang kalim-an ka libo ka pisos kun ang imo bang kina buhi ug kalág?" Ay, San Antonio! Kon hibaloán ko pa lamang untang daan, kon hibaloan ko pa lamang unta!...
Si Maria Clara nagabakho.
-Ayaw paghilak, anák ko mipadayon pagsulti si Kapitán Tiyago nga miatubang kang Maria Clara;-ikáw dili sama niadtong imong inahan nga dili gayud mohilak... Mohilak la mang kon manamkon... Si pari Dámaso miingón kanako nga miabút na ang usá niya ka paryente gikan sa Espanya... ug ka nang tawhana maóy gitagana niya nga pamanhonón mo...
Si Maria Clara nanampong sa iyang mga dalunggan.
Apan, Santiago!, nabuáng ba ugód ikáw?- gisinggitán siya ni iya Isabel;- binuang daku ang paghisgot kaniya ug laing pamanhonán. Nagatuo ka ba nga ang imong anák magailis ug pamanhonón sama sa pag-ilis ug sinina?
-Maó usáb kanay akong hunahuna, Isabel; si don Crisós tomo dato..., ang mga Katsila managminyo lamang tungúd sa paghigugma sa salapi...; apan unsa may buút mong buhaton ko? Gihulga akó nila nga ekskomulgahón usáb..., miingón silá nga naglatáy lag usá ka lugás lanot dili lamang kay ang ako dang kalag kon dili hangtud usáb ang akong lawas.... ang akong lawas, nakabati ka? Ang akong lawas!
-Apan ikaw nag-utas lamag dugang sa kaguól sa imong anák! Dili ba higala man nimo ang Arsobispo? Nganong dili ka man magsulát kaniya?
-Ang Arsobispo prayle usáb, ug siyá mobuhat lamang ku tob sa iingón kaniya sa mga prayle. Apan, Maria, ayaw pag hilak; moanhi ang Kapitán Heneral; tingali makigkita siyá ka nimo ug ang imong mga matá napulá sa hinilak... Agád kay ako naghunahuna nga magmalipayon karóng hapona!... Kon wala pa moabút kiníng dakúng kadaut, Akó maó unta ang labing bulahan ug ang tanán mangasina unta kanako... Hilom na, anák ko; akó bitaw labí mang alaut kay kanimo apan
