This page has been proofread.
Ang kahilum mipadayon. Taudtaud nabati ni Ibarra adunay mihinay pagduol sa ganghaan, ug ang mangaya tingog ni Sinang mihunghong sa lungag sa yawihanan:
—Crisostomo, karong gabii mangadto kami sa tiyatro; isulat lamang ang buut mo isulti kang Maria Clara.
Ug si Sinang mibalik sa agi, nagdali sama sa iyang duol.
—Unsay kahulogan niini?— nagkanayon si Ibarra nga naghinuktok ug mihinay paglakaw.
