wak daghang mga balikas nga makasakit sa kalag; apan wala
gayuy mangahas pagtubag: alang kaniya, niadtong higayona ang
pagpamalibad maoy pagdugang laing sala sa sayop nga nahimo.
Mao kana ang kaagi sa tibuok adlaw. Sanglit wala siya makakita ug kaulangan nga nakasanta kaniya— kay ang iyang bana gidapit man—, ang iyang kasuko nagabukal lamang: daw ang tibuok niyang kalawasan natugob sa kapungot ug ang unos hapit na mohungaw. Sulod sa balay, ang tanan mipahanunot kaniya daw ang uhay sa humay nga pagaduyanduyanon sa makusog huyuhoy nga magauna sa bagyo nga mohuros; walay misukol kun misupak sa iyang kabubut-on, wala siya makakaplag butang nakasapunol sa iyang paglihok ug sarang unta kapahamungtan sa iyang kalagot: ang mga sundalo ug mga binatonan nanagpailub sa iyang atubangan.
Aron dili siya makabati sa kagahub sa gawas, ang mga tamboanan iyang gipatakpan; ang sundalo nga nagabantay sa balay iyang gitugon nga walay pasak-on bisan kinsa. Naminurong siya ug panyo, daw aron paglikay nga ang iyang ulo mosiad, ug bisan ang Adlaw wala pa mosalop, misugo nga dagkutan na ang mga suga.
Sumala sa atong nakita, si Sisa gidakop kay nagtugaw sa kahusay, ug gidala sa puloy-anan sa mga sundalo. Niadtong hi gayona, ang “Alferez” wala didto ug ang alaut nga babaye nagabhian sa atub ug sulod sa tibuok gabii ang alaut nga babaye nagpalingkoay lamang sa usa ka bangko samtang sa iyang tinanawan adunay mga tilimad-on sa pagkalain sa iyang ulo. Sa pagkaugma, hikit-an siya sa “Alferez” ug kini, nga nahadlok kon unsay mahitabo niadtong alaut babaye sulod sa mga adlaw nga masadya sa pangilin. sa iyang tinguha sa paglikay nga adunay mahitabong talan-awon nga dili makapahimuot sa kadaghanan, mitugon sa iyang mga sundalo nga bantayan pag-ayo kadtong alaut nga babaye, dili pasipad-an ug hatagan ug pagkaon. Mao kana ang nahitabo sa buang sulod sa duha ka adlaw.
Niining gabhiona, tungud ba kaha kay, sanglit silingan da ang balay ni Kapitan Tiyago, miabut hangtud kaniya ang awit nga masulub-on ni Maria Clara, kun tungud ba kaha kay laing mga honi nakapukaw sa iyang mga awit kanhi, kun tungud ba sa bisan unsang hinungdan, niining gabhiona, balikon namo, naga-awit si Sisa, sa tingog matam-is ug masulub-on„ sa mga
