Si Consolacion nakakita sa iyang bana nga nanukad na, busa nausab ang iyang hunahuna, ug, tapus moginhawag hataas, miingon:
—Feli... Fele... File...
Pum! Krrakk!... Ang siya maoy mitibawas paglitok sa pulong.
Ug ang saring gitapus sa mga sagpa, kawrás ug suntók. Si Consolación gigunitan sa buhok sa iyang bana, ug kini gigunitan usab niadto sa buhók sa agigising ug sa laing bahin sa lawas wala hinuon siya makapaak kay ang tanan niyang mga ngipon pulos na man gango;- ang kabo misiyagit, gibuhian siya, nangayóg pasaylo kaniya, miagás ang dugo, may usa ká mata nga labing napulá kay sa pikas, usa ka sinina nga nawatas-watas, may nanggula nga bahing tinagoan sa lawas, apan ang pulong Filipinas wala gayud mogula.
Mga hitabo nga sama niining among giasoy makita sa mga higayon nga ang magtiayon maghisgot bahin sa pinulongan. Ang kabo, nga nagapaminaw sa pag-uswag sa kaalam sa iyang asawa bahin sa pinulongan, sa dakung kasubo sa buot nagbana-bana nga sulod sa napulo ka tuig si Consolación dili na mahibalo nga mosulti. Ug, oho pa man, mao gayud tuod ang nahitabo. Sa pagkaminyo nilá, si Consolación makasabut pa sa tinagalog ug hisabtan pa ang iyang kinatsila; karon, niining panahon sa among sugilon, wala na siyay pinulongan nga hikamaohan: labihan nga paghigugma niya sa sinultihang ipaagi sa sinyasug pilion gayud niya kadtong mga sinyas nga labing masabà ug hisabtán pag-ayo kay ngani ang nagamugna sa Volapuk dili makaapas sa iyang kalaki bahin niining butanga.
Busa si Sisa wala intawon makasabut sa asawa sa "Alferez". Nainat ug diyutay ang kilay ni Donya Consolación ug unya mipahiyum siya tungud sa kahimuot nga iyang gibati: walay duhaduha, siya dili na gayud maantigong motinagalog kay "orofea" na man siya.
—Oy, mutsatso, ingna sa tinagalog kining babaye nga moawit siya. Dili siya makasabut kanako kay dili man maalam mokinatsila!
Ang buang nakasabut na sa mutsatso ug miawit sa awit sa Kagabhion.
Si Donya Consolación namati sa awit nga nagakatawá, nia-
