This page has been validated.
Usa ka singgit, ang hinagbong sa usa ka lawas sa tawo nga mapukan, mga balikas, mga tiyabaw, panghimaraut, hinagpak sa mga bunal, mga tingog nga pagaw, . . . sa laktud nga pulong, kinsay makaasoy sa nahitabo sa kangitngitan niadtong lawak?
Ang mutsatso migula sa kosina ug misinyas sa kosinero.
—Pagabayran mo da kanang salaa!— matud niini sa mutsatso.
—Kinsa, ako? Ingna hinuon ang lungsod maoy magabayad niana! Ang sinyora igo lamang nangutana kanako kon ang sinyor “Alferez” milakaw ba, apan wala siya mangutana kon mibalik ba.
