Si Donya Victorina nagasul-ob usa ka bata nga sida dinayandayanan ug mga bulak ug nagalukdo usa ka kalo nga tinauran usa ka dakung langgam papagayo nga daw naipit taliwala sa mga sintas nga tagumon ug mapula; ang abog sa dalan nga nahisagol sa pulbos sa iyang nawong, daw nakadugang sa iyang mga kunot; sama sa pagkakita ta kaniya didto sa Manila, karon gisipitan usab niya ang iyang bana nga kimpang.
—Kalipay ko ang pagpaila kanimo sa among ig-agaw nga si Don Alfonso Linares de Espadana!— miingon si Donya Victorina nga mitudlo sa batan-on.— Si ginoo Linares inanak sa bunyag sa usa ka pariyente ni pari Damaso. ug ecretario particular siya sa tanang mga ministro...
Ang batan-on miyukbo sa angayan kaayong panglihok; si Kapitan Tiyago diriyot mohalok sa iyang kamot.
Samtang gipanaka ang daghang mga maleta ug mga binantal, samtang gidala sila ni Kapitan Tiyago sa ilang tagsatagsa ka lawak, asuyon tag makadiyot ang kaagi niadtong magtiayon, kaagi nga gisaysay ta na sa daklit lamang sa unang mga bahin niining basahon.
Si Donya Victorina maoy usa ka babaye nga aduna nay kapatan ug lima ka tuig, bisan sa iyang banabana katloan pa lamag duha ang iyang panuigon. Maanyag ug tigson siyag lawas kanhi sa batan-on pa— sumala sa kanunay iyang ginasugilon—, apan sanglit nabuang lamang siya sa pagsud-ong sa iyang kaugalingong kaanyag, gitamay niya ang tanang mga Pilipinhon ng nanaghalad kaniya, kay buut man siya magaminyo sa usa ka langyaw. Ang iyang kamut nga maputi ug diyutayon wala gayud niya ikahatag kang bisan kinsa, dili tungud kay kulang siya sa pagsalig sanglit kadaghan na man mahitabb nga iyang gikahatag ang mga day and ay an nga labing mahal ngadto sa kamut sa mga langyaw ug mga Pilipinhon nga libud-suroy.
Unom ka bulan una sa panahon sa atong sugilon, natuman ang iyang damgo nga labing matahum, ang damgo sa tibuok niyang kinabuhi, damgo nga maoy gipasikaran sa iyang pagbiya sa mga kalipay nga kabtang sa kabatan-on ug hangtud maoy hinungdan sa iyang pagsalikway sa mga paghalad kaniya ni Kapitan Tiyago, nga sa kanhing panahon nagpakilimus sa iyang , kaluoy pinaagi sa pagsulti kun pag-awit sa iyang mga gibati. Matuod hinuon nga dugayng natuman ang iyang damgo; apan
