usa ka iro nga mag-utas lamang nunot-nunot sa iyang asawa. Kon si Donya Victorina hahasulon ngani ni Don Tiburcio, kini dili niya pasuroyon, ug kon masuko ug tinuod, ang alaut nga bana kuhaan sa mga ngipon nga tinaud ug pasagdan nga mangyakob sulod sa us^ kun pila ka adlaw, sumala lamang.
Si Donya Victorina nakahunahuna nga ang iyang bana kinahanglan mahimong doctor en Medicina y Cirug'ia ug kini iyang gipahayagan sa maong hunahuna.
—Buut ba ikaw, inday, nga dakpon ako?— nangutana ang bana nga nalisang.
—Buang niini! Pasagdi nga ako da ang magahikay nianang tanang — mitubag ang asawa;— ikaw dili manambal kang bisan kinsa, apan buut akb nga ikaw nganlan ug doktor ug ako nganlan usab ug doktora. Hala!
Sa pagkaugma, tinugon sa magtiayong De Espadana, si Rodoreda nagasilsil sa usa ka manipis ug mahinlo nga marmol mi ning mga pulong: DR. DE ESPADANA, ESPECIALISTA EN TODA CLASE DE ENFERMEDADES.
Ang tanang mga suluguon napilit paggamit sa bag-ong titulo kon mohingalan sa ilang mga agalon, ug tungud niini midugang ang gidaghandn sa mga dayandayan sa mga saput ni Donya Vic torina, midugang ang gibag-on sa pulbos nga nagakapal sa iyang nawong, ingon man ang mga sintas ug mga puntiyas, ug milabi usab ang iyang pagtamay sa mga alaut ug mga kabus niyang isigka-pilipinhong babaye, kansang mga bana pulos ubus ug kahimtang kay sa iyaha. Nagatuo siya nga matag-adlaw nagatubo ang iyang pagkadungganan ug nagakataas ang iyang kahimtang sulod sa katilingban, ug kon kini magapadayon, inigkatapus sa usa. ka tuig tingali magatub na nga kaliwat ni Bathala.
Apan kining kahibulongang mga hunahuna ni Donya Vic torina wala makapugong nga siya magaanam katigulang sa adlaw.-, adlaw ug magadugang ang iyang pagkakataw-anan nga pamih> won. Sa tanang higayon nga igakakita niya ni Kapitan Tiyago ug kini mahinumdom nga sa kanhing panahon nagahalad kaniya sa walay bungang nakuha, dih^diha si Donya Victorina mopadala dayon usa ka pisos ngadto sa simbahan aron imisa sa pari, agig pasalamat niya. Bisan pa niini, si Kapitan Tiyago nagatahud uyamut sa iyang bana tungud sa titulo niini sa pagJta-espesyalista sa tanang mga bulok sa sakit, ug mamati siya
