Ug gibasa niya ang ikaupat ka sugo sa binasahan nga labi pang pinahitad ug sa tingog nga labi pang gituyo pagnguho kay sa una, pakaingnon niya nga niining paagihii mosamot ang pagkatalahuron niadtong iyang gibuhat, sama sa iyang nakita nga gihimo sa daghang mga praylc: si iya Isabel wala man ugod makadungog sa usa ka cual^ero nga nagwali, kay, kon nakadungog pa, magakurogkurog usab unta siya.
Samtang si iya Isabel nagabasa, ang dalaga subsob nga mamahid sa iyang mga mata ug ang iyang gininhawa nag-anam kakusog.
—Kabuotan nga babaye! —nagkanayon ang Jiunahuna sa tigulang; —siya nga masinugtanon ug mapaubsanon sa tanan! Ako nga nakasala labaw kay kaniya. wala gayud makahilak sa tinuoray.
Ug gisugdan niya ang ikalima ka sugo. Dinhi, ang mga undang-undang sa pagbasa palungtaron niya ug labing dugay, ang iyang tingog gisamot pagnguho, ug labihan kadasig sa iyang pagbasa nga wala makadungog sa mga bakho nga pinugngan saiyang pag-umangkon. Nakamatngon siya sa mga agulo sa makasasala diha nga miusab na pag-undang pagbasa, tapus ang mga palandong mahatungud sa pagpatay sa isigka-tawo. Dinhi milapas sa kasarangan ang kamahinuklugon sa iyang tingog sa pagbasa sa sumpay nga nabilin sa ikalima ka sugo; gitinguha niya nga mainggit ang iyang tingog daw nagahulga, ug sa pagtan-aw nga ang iyang pag-umangkon nagapadayon pa paghilak, miduol siya sa katre nga gihigdan niini, ug miingon:
—Hilak, hilak, anak ko; kon ikaw mohilak pag-ayo labing dab usab nga pasayluon ni Bathala. Paninguhaa paghuput ang kasakit nga ginganlan contricion labaw kay sa ginatawag nga atricion. Hilak, anak ko, hilak! Wala ikaw masayud sa kalipay nga akong babation kon magtan-aw kanimo nga magahilak. Panampok usab sa imong dughan, apan ayaw lamang pagkusgil kaayo kay masakiton pa man ikaw.
Apan diha nga si Maria Clara himukdahan na iya Isabel, sa hinayhinay giundang niya ang iyang mga pang hupaw ug namahid sa iyang mga mata, walay tingog ug wala motubag sa iyang iyaan. Daw ang kasakit, aron motubo, nagkinahanglan sa kahilum ug kamingaw!
Ang iyaan mipadayon pagbasa, apan, sanglit miundang na
