Si Elias minunot. Misulod sila sa usa ka daw langub nga mitidlop sa kahiladman sa yuta. Ang nahiuna, nga sinati kaayo niadtong mga dapita, mopahibalo kang Elias kanus-a siya modulhog, mosuong kun mokamang; apan wala sila madugay kaayo ug nanghiabut sa usaka daw hawanan sa balay nga lugos lamang gihayagan sa usa kasulo nga salong, ug didto nakita ang napulog-duha kun napuloglima ka tawo nga pulos nanagtakin ug hinagiban, mahugaw ang panagway ug makahahadlok ang mga saput, pipila kanila nanaglingkod, ang uban nanaghigda ug talagsa da ang nanagsulti. Tinukod ang mga siko sa usa ka bato nga silbeng talad ug nagasud-ong nga naghinuktok sa sugang nagapaok ug nagapuot sa aso, nakita usa ka tigulang masulub-og panagway ug pinutos ang ulo sa usa ka purong nagkadugo; kon wala pa kita masayud nga kadto maoy usa ka langub sa mga tulisan, sa pagbasa nato sa labihang kaguol nga nahipatik sa agting sa tigulang, makaingon unta kita nga kadtong dapita mab ang Torre del Hambre sa bisperas sa pagkaon ni Ugolino sa iyang mga anak.
Sa pag-abut ni Elias ug sa tawo nga nagatultol kaniya, ang mga kauban sa tigulang iyahay lamag panglihok, apan sa usa ka sinyas niini nalinaw dayon ang ilang hunahuna ug igo na lamang nanan-aw sa piloto nga wala gayuy hinagiban nga dala.
Ang tigulang mihinay paglingi ug nakita niya ang maugdang panagway ni Elias nga misud-ong kaniya, tinukas ang kalo ug puno sa kasubo ug kaluoy.
—Ikaw ba diay? —nangutana ang tigulang nga, sa pagkamatngon kang Elias, daw nasibut ang iyang tinan-awan.
—Pagkamakaluluoy sa imong kahimtang! —nagkanayon si Elias sa tingog mahinay dungan ang pagpanglingo. Ang tigulang midukb nga walay tingog, misinyas sa iyang mga kauban nga nanindog ug nanglakaw dayon, human motan aw aron pagbanabana sa gitas-on ug sa kusog sa mga bukton sa piloto.
—Oo! —miingon ang tigulang kang Elias diha nga sila na lamang ang nanghibilin; —sa pagsagop ko kanirno sa akong balay unom na ka bulan karon, niadtong higayona ako maoy naluoy kanirno; karon ang pa) ad nabalhin ug ikaw na usab ang naluoy kanako. Apan, lingkod ug asoyi ako giunsa nimo pag-abut ngan-hi.
