maoy usa ka anak nga gipanamastamasan tungud sa handumanan sa iyang amahan; maoy usa ka batan-on nga, sanglit dili madugay magaminyo, naghunahuna sa kaugmabn, sa usa ka maayong kaugmaon alang sa iyang mga anak.
Sa ingon niana siya mao diay usa ka tawo nga mabulahan karong pila ka adlaw; ang katungod nga atong gilabanan dili ang katungod sa mga bulahan.
—Apan mao ang katungod sa mga tawo nga maayog kasing kasing!
—Tugotan ko ikaw — mitubag ang tigulang milingkod; — tugotan ko ikaw nga siya mouyon nga maoy modala sa atong tingog ngadto sa Kapitan Heneral, tugotan ko ikaw nga siya makakaplag didto sa Corte sa Madrid mga diputado nga molaban kanato, motuo ba ikaw nga ihatag kanato ang atong pangayuon?
—Sulayan ta lamang una kita mogamit mga paagi nga makapaagas ug dugo — mitubag si Elias. — Dagway mahabulong ikaw nga ako, usa ka alaut nga sama kanimo, batan-on ug malig-on ang lawas, magatanyag karon kanimo nga tigulang ug luyahon na, mga paagi nga makidaiton ug pinasubay sa kabugnaw sa buoG apan nagabuhat ako sa ingon kay nakita nako ang daghan uyamut nga mga kadaut nga nahimo nato ug nahimo usab sa mga harihari: ang mga walay hinagiban nga ikaasdang mao intawon ang lubagan sa tanan.
—Ug kon wala unya kitay bungang makuha?
--Aduna gayud, tuhoi lamang ako; dili ang tanang namunoan wala magasubay sa katarungan. Apan, kon wala gayud kitay bungang makuha, kon dili pamation ang atong tingog, kon ang tawo dili na lamang gayud magkabana sa mga kaguol sa iyang isigkaingon, sa ingon niana motipon ako kanimo ug magahulat kutob sa imong gimbut-an!
Hupong sa kadasig, ang tigulang migakus sa batan-on.
—Dawaton ko ang imong tanyag, Elias; nasayud ako nga ikaw maantigong motuman sa imong saad. Motipon ikaw kanako kay tabangan ko man ikaw aron makapanimalus ka sa mga kadaut nga gipaantus sa imong mga katigulangan; ikaw usab motabang kanako aron akb makapanimalus sa mga kadaut nga gipaantus sa akong mga anak, sa akong mga anak nga sama kanimo!
—Samtang makigsulti pa ako sa batan-on nga atong gihis-gotan, likayan mo. ginoo, ang tanang mga paagi nga mabangis.
