This page has been proofread.
—Ipahayag mo ang mga mulo sa lungsod; ikaw nahibalo na niana, kanus-a man ako masayud sa tubag?
—Sulod sa upat ka adlaw paadtua ang usa ka tawo sa baybayon sa lungsod sa San Diego, ug didto sultihan ko siya sa tubag sa batan-on nga akong gisaligan . . . Kon siya mosugot, makab-ut ta ang atong tuyo, ug, kon dili ngani, ako maoy unang mapukan sa pakigbugno nga atong asdangon.
—Si Elias dili mamatay, si Elias mao ang mahimong pangulo kon si Kapitan Pablo mamatay ug makatuman na sa iyang panimalus — matud sa tigulang.
Ug siya gayud maoy nangunay pagkuyog sa batan-on hangtud nga kini nahigula na sa langub.
