ang uban usab managlago, pinatik sa ilang mga nawong nanghagsal ang tilimad-on sa pagkasugarol, nanagpaminaw sa lihok sa mga dato ug nanag-atiman sa mga pusta, kay mahimo nga ang puntil kahutdan sa sulod apan ang kahilayan dili gayud matagbaw jdidto walay nawong wala masibut; didto dili igakita ang Pilipinhon nga taspukan, matak-anon ug hilumon: tanan didto pulos lihok, kaibug. tinguhb sa pagdaug: daw makaingon kita nga gibati sila ug kauhaw nga mosamot kon iinum sa tubig sa lunangan.
Sukad niining dapita mosulod kita sa rueda kun natad nga awayanan sa mga manok. Ang tumbanan, nga kinoral ug kawayan, sabug nga hataas kay sa tumbanan sa ubang mga luwang. Dapit sa itaas, duol sa atop, adunay mga hagdaan-hagdan alang sa manan-aw kun sa mga sugarol, nga managsama da. Samtang manag-away ang mga manok, ang mga hagdan-hagdan mapuno sa mga tawo ug mga bata nga maniyagit, maniyabaw, panington, managlalis ug mamalikas: salamat ngani kay talagsa day mga babaye nga mokatkat ngadto. Sulod sa rueda atua ang mga dagkung-tawo ang mga dato, ang mga tahur nga bantugan, ang tag-iya sa bulangan ug ang kuyme. Sa yuta nga binantok pag-ayo adto manag-away ang mga manok, ug sukad didto ang Palad manghatag sa kabanayan sa mga sugarol mga katawa kun mga luha, kabuhong kun kawad-on.
Sa takna sa atong pagsulod, makita ta na ang Gobernadorcillo, si Kapitan Pablo, si Kapitan Basilio, si Lucas, ang tawo nga may ulat sa nawong ug nasubo uyamut sa kamatayon sa iyang igsuon.
Si Kapitan Basilio miduol sa usa ka lungsoranon ug nangutana:
—Nahibald ba ikaw unsang manoka ang gidala nganhi ni Kapitan Tiyago?
Wala ako masayud, sinyor; karong buntag giabutan siya ug duha ka buok, usa kanila mao ang kanawayon nga nakabuno sa talisayon sa Konsul.
—Ikatari kaha niana ang akong bakiking bulit?
—Dayag na lamang! akong balay!
