This page has been proofread.
—Mosugot kami!— miingon si Bruno;— ihari ang sala- pi.
— Daan na akong nasayud nga kamo mga maisug sama sa inyong amahan! Nunot kamo ngarí aron dili kita hidunggan nianang nanagpatay kaniya— matud ni Lucas nga mitudlo sa mga sibíl.
Ug human dad-a ni Lucas ang duha ka magsuon ngadto sa usa ka suok, iyang gisultihan samtang giiphan niya sa sala- pi:
—Ugma moabut si Don Crisostomo ug magdalág mga hina- giban; damlag, sa hapit na mobagting ang ikawalong takná sa gabii, pangadto kamo sa kalubngan ug didto itaho ko kaninyo ang iyang katapusang gimbut-an. May panahon kamo sa pag- pangitag mga kauban.
Nanagbulag sila. Ang duha ka magsuon daw nagabaylo ug kahimtang: si Társilo malinawon nag buot ug si Bruno nalus- pád.
— 399 —
