Page:Noli-Me-Tangere-Cebuano-Visayano-ni-Jose-Rizal-1962-N719c.pdf/435

baye, nga gimatuto sa tago, ug sa nangadagku na, gipatuo nga ang ilang amahan namatay na, butang dili malisud himuon, sanglit sa gagmay pa sil^ nakakita man nga namatay ang ilang inahan ug wala man usab ing naghunahuna pagsubay sa ilang kagikan. Sanglit sapian man kadtong among apohan, nanagtubo kami nga malipayon uyamut; ang akong igsuon ug ako nanagtipon pagtuon, naghigugmaay kami sama sa paghigugmaay sa mga kaluha nga wala gayud managpakaila lamg gugma. Batan-on pa kaayo nagatuon ako sa kolehiyo sa mga Heswitas. ug aron dili kami managlayo kaayo, ang akong igsuong babaye didto isulod sa Colegio de la Concordia. Sa pagkatapus sa hamubo namong pagtuon, kay naghunahun^ man lamang kami nga managyuta, namauli sa among lungsod aron pagdawat sa kabilin sa among apohan. Malipayon ang among pagpuyo sulod sa taastaas nga panahon, masayag ang among kaugmabn, aduna kami daghang mga binatonan, buhong sa mga abut ang among kaumahan ug ang akong igsuong babaye kalaslonon sa usa ka batan-on nga iyang gihigugma usab kaniya. Tungud sa usa ka butang bahin sa salapi nga among gikasungian, tungud sa akong kinaiya kanhi nga mapahitas-on, nahimo akong kaaway sa usa nakb ka kadugo nga halayo na, ug usa ka adlaw niana giat-at-niya kanako ang mangiub kong kaagi, ang makaulaw kong kagikan. Gipakaingon ko nga kadto maoy usa lamang niya ka butangbutang ug gipahunat ko siya aron iya akong hatagan ug kahayagan niadtong iyang mga pulong; dinhi naukab pagbalik ang lubnganan nga gitipigan sa mga tinagoang maluod, ug milutaw ang kamatuoran aron pagsumpo sa akong kamapahitas-6n ug paggun-ob sa akong mga damgo. Aron mosamot gayud ang kadaut, aduna kami usa ka binatonang tigulang nga nag-alagad sa among balay sulod sa dugay nang mga tuig, nag-antus sa tanan kong mga binuang ug wala gayud mobiya kanamo, igo lamang mohilak ug magamakho taliwala sa mga yubit sa ubang mga suluguon. Ambut guinsa pagsusi niadtong akong kadugo, ang matuod mao nga gipaatubang niya sa Hukmanan kining tigulang ug gipasulti sa tinuod: ang tigulang suluguon amo diayng amahan nga wala gayud mobulag sa iyang mga anak nga hinigugma ug kadtong tigulang kadaghan nako palabilabihi. Nahanaw ang among kalipay, gibiyaan ko ang among katigayonan, ang akong igsuong babaye gibula-

―428―