nagapadayon paglakaw daw gilumay sa usa ka kalag nga
nagpangamay kaniya. Ang tubig miabut na sa iyang dughan...
apan nadungog mga butobuto sa pusfl, nahanaw ang pantasma
nga iyang giapas, ug ang batan-on nakamatngon nga nagaubong
diay siya sa tubig. Salamat sa kahilum sa kagabhion ug sa
kalinaw sa hangin, ang mga butobuto nabati niya pag-ayo.
Mihunong siya, mihinuktok ug nakamatngon nga nagahumol sa
tubig; wala mokuya ang tubig sa linaw ug nalantaw pa niya
ang mga suga sa mga payag sa mga mananagat.
Mibalik siya sa daplin ug mipadulong sa lungsod, apan wala masayud unsay adtuon.
Sa lungsod daw walay usa nga nagapuyo; ang kabalayan pulos tinakpan; ang mga mananap usab, ang mga iro nga sabug manag-ulang sa gabii, nanago ug nangahadlok. Ang malus pad nga kahayag sa Bulan nakadugang sa kamingaw ug kasubo.
Sanglit nahadlok siya nga ihinagbo sa mga sibfl, nagsuotsuot sa mga tanaman ug didto sa usa mining mga tanaman ingon ug dihay iyang hialinggatan nga panagway sa duha ka tawo; apan mipadayon siya paglakaw, ug, human molakad sa mga koral ug moluwak sa mga paril, human sa labihang kahago, nahiabut sa pikas nga daplin sa lungsod ug mipadulong sa balay ni Crisostomo. Sa ganghaan nanagtapok ang mga suluguon. nanaghisgot ug nangasubo nga gidakop ang ilang agalon.
Sa pagkasayud niya sa nahitabo, si Elf as milakaw, milipot sa luyó sa balay, miluwak sa paril, mikatkat.sa tamboanan ug misulod sa gabinete diin nagasiga gihapon ang kandila nga gibiyaan ni Ibarra.
Nakita ni Elias ang mga papel ug mga basahon; nakita usab niya ang mga hinagiban ug ang mga puntil nga gisudlan sa salapi ug mga pahiyas. Gihinumduman niya ang nahitabo didto, ug sa pagtan-aw niadtong daghang mga papel nga makadaut kang Ibarra, nakahunahuna siya nga iyang panghipuson, isalibay sa tamboanan ug ilubong.
Midung-aw siya sa tamboanan, ug, dinan-agan sa kahayag sa Bulan, nakita niya duha ka sibfl nga inubanan ug usa ka tawo nga pinalihog: ang mga bayonita ug mga kalo nagpangidlap. Dinhi nakahunahuna siya usa ka paagi: nagpundok siyag mga saput ug mga papel sa taliwala sa gabinete, gibuboan niya
